أنغام توضح حقيقة علاقتها بشيرين عبد الوهاب وتوجه رسالة دعم (فيديو)

كتب : أحمد سامي 

أوضحت الفنانة أنغام تطورات علاقتها بالفنانة شيرين عبد الوهاب، مشيرة إلى حدوث تغييرات كبيرة بينهما. وقالت أنغام: “أنا وشيرين كنا في حتة وبقينا في حتة، كنا بناكل عيش وملح مع بعض وأصحاب وبعتبرها أختي الصغيرة، وبقينا في حتة تانية أنا معرفهاش، ومعرفش مين اللي ودانا الحتة دي.”

وأضافت: “كل اللي أقدر أقوله إني بتمنى لها أيام أحسن ومستقبل أحلى، وصحة وتستمتع ببلدها، وربنا يعينها على كل حاجة بتعدي بيها.”

أكدت أنغام رغبتها في دعم شيرين بكلمات صادقة، قائلة: “ربنا يكرمها في اللي جاي ويساعدها ويهديها، وأتمنى كلامي يروح في المكان اللي أنا أقصده، ويتفهم زي ما هو.”

تصريحات أنغام جاءت في إطار من الود والدعم، وسط تساؤلات الجمهور حول طبيعة العلاقة الحالية بين الفنانتين، اللتين كانتا ترتبطان بصداقة قوية لسنوات.

شاهد الفيديو..