سيدة تستغيث: بنتي مصابة بمتلازمة داون.. الفريق الطبي بمولاتي ينصحها 

كتب-سارة منصور

تنتشر متلازمة دوان بين الأطفال، والتشخيص المبكر يؤدي حتما إلى تفادي الكثير من الأعراض الخاصة بالمرض والتي تبطىء  تطور المهارات.

تقول السيدة “ا.س”: “بنتي عندها شهر ونص رحت بيها للدكتور عشان عندها برد بعد ما كشف عليها قالي انها تشبه اطفال داون قولتله يعني ايه قالي أن ودنها مطبقه شويه وكمان في خطين في أيدها مش تلاته وكده تشبه داون وطلب تحليل رحت اعمله لقيته معدي ال 2000 جنيه وانا مش في امكانياتي دلوقتي خالص وهموت من القلق علي بنتي”.

وأضافت: ” هو ممكن اعمل التحليل ده في مستشفي حكومي وازاي اتأكد يابنات لحد ما اروح اعمل التحليل وسألني عملتي 4d وانا عملتها ومكنش ظاهر فيها اي حاجه والدكتوره طمنيتني “.

روشتة طبية

الدكتورة زينة علي، طبيبة الأطفال، قدمت روشتة طبية تضمنت الآتي:

أولًا: اذهبي إلى التأمين الصحي، واعملي  كارنيه التأمين الصحي بشهاده الميلاد،  واطلبي منهم تحويل على مركز البحوث تعملي هناك التحليل أو على أي معمل كبير هتأخدي تحويل وتعمليه هناك من غير فلوس خالص.

ثانياً: “كمان اعملي ايكو على القلب وسونار على البطن والحوض للاطمئنان علة صحه الطفل”.

ثالثا: “بالكارنيه برضه اكشفي في مستشفى الدمرداش عند أطباء الأطفال مجانًا واطلبي من الطبيب المعالج طلب فيتامين د ، والغده الدرقيه ، وصوره الدم ومتابعتها اذا احتاجت بعض التمرينات على العضلات، وذلك لأن أحد أعراض المتلازمة السيندروم هي رخاوه في العضلات، وعافاها الله.