“الكل شاهد على خيانته”..تفاصيل دعوى خلع أمام المحكمة

كتب -أسماء سرور

إن سألت أى امرأة ما هو أقسى شعور سترد وتقول الخيانة بكل تأكيد وهو ما عانته صاحبة الدعوى مع زوجها قبل طلب الخلع.

طباع الزوج

وقفت”دعاء.29.سنة” أمام محكمة الأسرة تطلب الخلع بسبب خيانة زوجها الذى أحبته منذ نعومة أظافرها بكل جوارحها وقالت” أنا كنت بحب ابن خالتى جدا لدرجة إنى طلبت من خالتى تجوزنى ليه وهيا ردت وقالت إنى بيلعب بديله بلاش قولتلها أنا بحبه ومش هتجوز حد غيره وهو عشان واثق فيا وضامن أخلاقى طلب ايدى واتخطبنا،ساعتها أنا ققشته بيخونى أكتر من مرة وافسخ الخطوبة كان بطريقته يرجعنى تانى ليه وفعلا من كتر حبى ليه كنت بسامح بسرعة لحد ما تم الجواز وربنا رزقنا بولدين زى القمر”.

تفاصيل الخيانة

تنهدت دعاء وأكملت حكايتها وقالت:” طبعا طول المدة دى كنت بمسكه بيخونى وكان يقول أخر مرة وتعدى وخلاص مكنش عندى الشجاعة إنى أخد موقف معاه،لحد ما كنت خارجة فى مرة مع أصحابى وروحنا كافيه اتفاجئت داخل ومعاه واحدة وماسك إيديها ، شوفته بعينى والكل شاهد على خيانته،أنا محستش بنفسى إلا وأنا بجرى عليه وبقوله مين دى اتنرفز عليا طبعا وهى قالت كلام كتير وجعنى قدام ولادى واصحابى وكل الناس حوالينا بيتفرجوا،روحت البيت لميت كل حاجتى وساعتها فعلا زى ما يكون حبه اتنزع من قلبى لما حسيت أن كرامتى اتهانت قررت الخلع بدل ما إنى أطلب الطلاق ويبقى ليا قرار لأول مرة خلال علاقتنا”.

وحكمت المحكمة بالخلع والطلاق طلقة بائنة.