ناهد السباعي ترفض تقبيل حورية فرغلي وتحرجها أمام الكاميرات.. ما القصة؟
كتب- ندى أشرف
ضجت مواقع التواصل الاجتماعي الساعات الماضية بعد انتشار فيديو للفنانة ناهد السباعي وهى ترفض تقبيل الفنانة حورية فرغلي بطريقة استغربها اجميع على منصات السوشيال ميديا.
وظهر في الفيديو رؤية الفنانة حورية فرغلي للفنانة ناهد السباعي في مهرجان «القاهرة للفيلم القصير»، وفرحت لرؤيتها وطلبت منها تقبيلها، الا ان ناهد السباعي رفضت وابتعدت عنها على الفور، الامر الذي استغربه الحضور ووضع حورية فرغلي في موقف محرج للغاية.
وعلقت حورية فرغلي عن الموقف قائلة: «كنت أول مرة في حياتي أقابلها، وأول مرة أشوفها وعمري ما قابلتها قبل كدا، وفرحت أوي إني شوفتها وكنت عايزة أحضنها وأبوسها وقولتلها ممكن أبوسك»
وتابعت حورية: «وهي زقتني وقالتلي لاء، ممكن تكون هي مبتحبش حد يبوسها، وأنا متأكدة إن هي أكيد قصدها مش وحش، لأن هي بنت ناس، وممكن تكون هي عملتها بطريقة مش قصدها وأنا بقنع نفسي إنه أكيد مش قصدها».
وغضب الجمهور من موقف وتصرف ناهد السباعي وتساءل عن سبب هذا التصرف الغير انساني، وفورا عقبت ناهد السباعي على الفيديو وكتبت منشور عبر حسابها على «انستجرام» تشرح من خلاله الموقف.
وقالت: «الموضوع كبر أوي، لكن أنا فاهمة تأثير أفعالي وعايزة أوضح الوضع المنتشر حاليًا، أنا بحترم كل زملائي في الصناعة وعمري ما ها أتسبب في أي إساءة عمدًا، وحابة أوضح سوء الفهم لأنني أنا متفاجئة من ردود الأفعال».
وأضافت: «بالنسبة للموضوع اللي حصل، أنا ما سلمتش لأنها كانت وسط مقابلة والكاميرا شغالة، وما حبتش أقطعها، كان رد فعل تلقائي وعشان كده قررت أكتب رد عام عشان الكل يفهم الموقف بعدين، إحنا سلمنا على بعض على المسرح».
