تخفيف الأحمال هيخرب بيتي.. مشكلة من بريد مولاتي

كتب- ندى الجبالي

في رسالة من بريد مولاتي تروي فيها س. ي “أنا وجوزى اتخانقنا وكنا هنطلق بسبب قطع الكهرباء ايوه زى ما سمعتو كده انا النور عندى كان بيقطع الساعه 3بيرجع 5 وانا بظبط عمايل الاكل والغسيل على الميعاد ده”.

وتضيف ” انا اتعودت اني بعمل اكلى على الساعه واحده لأن كمان انا ساكنه في الدور العاشر والمياه مش بتطلع ولا نقطه من غير الماتور امبارح يدوب بعمل الاكل النور قطع واحده ونص طبعا مكملتش الاكل وفاضل 3ساعات مقطوع جوزى رجع بهدل الدنيا أن الاكل مخلصش واتهمنى انى ست مهمله ومش شايفه التزامات بيتى”.

وتتابع” النور رجع قطع تانى من الساعه 8رجع 10ملحقتش اغسل هدوم شغله صحيت الصبح بدرى اغسل مفيش مياه وكمل خناقه معايا وبهدله وانتى ست فاشله ومش شايفه بيتك وكلام يحرق الدم”.

وتتسائل” طب انا ذنبى ايه هو انا اللى بقطع النور والمياه ما انا مش هصحى 6 الصبح يعنى عشان اخلص حاجتى ودلوقتي مش بنتكلم وهو واخد جنب منى”.

رد مولاتي

أرى في حالتك هذه ان ندع الحكمة جانبًا في الرد على مشكلتك ونتحلى بالصبر، فما من مصري على أرض المحروسة يطيق ساعات الحر الطويلة وايا كان التقصير الذي ارتكبتبه ستجدي الخلاف يتضاعف، بسبب الحر والملل.. لذا سنتحلى بالصبر إلى ان تنتهي الأزمة على خير.