تشيكن الفريدو باستا بنفس طعم المطاعم بالظبط

كتب ـ أسماء سرور
يرجع اصل وصفة تشيكن الفريدو باستا إلى المطبخ الايطالى، ولكنها اشتهرت من المطبخ الأمريكى وهى من الوصفات الرائعة التى يمكنك تحضيرها فى المنزل بكل سهولة بنفس طعم المطاعم بالظبط وبخطوات سهلة هتخلى أسرتك تطلبها منك على طول.
يقدم لك مطبخ مولاتى طريقة عمل تشيكن الفريدو باستا زى المطاعم:
المكونات
كيس مكرونة
½ ك صدور فراخ
2 كوب لبن
ملعقتين دقيق
مشروم
بصل
ثوم
توابل”ملح -فلفل أسود -كمون-بابريكا- ثوم بودر”
جبن بارميزان
طريقة التحضير
قطعى صدور الفراخ مكعبات صغيرة ثم تبليها بالملح والتوابل واتركيها فى الثلاجة لمدة ساعة.
قطعى البصل والثوم والمشروم حسب الرغبة فى القطع ثم ضعى حلة على النار فيها ملعقتين زيت زيتون وشوحى فيها كل الخضروات.
اضيفى الدقيق حتى يتحمر ثم انزلى باللبن وقلبى حتى يثقل قوامه وبعدها افرمى كل المكونات بالهاند بلندر.
ضعى طاسة أخرى على النار فيها زيت زيتون وشوحى الفراخ فيه حتى يصبح لونها ذهبى.
اسلقى المكرونة فى الماء والملح حتى تنضج.
اضيفى الصوص على الفراخ وقلبى وبعدها انزلى والمكرونة ورشى عليها الجبنة واتركيها لمدة خمس دقائق وقدميها ساخنة.