“جوزى سرق دبلتي وأهلي”..معاناة سيدة

كتب -أسماء سرور

أرسلت السيدة “ز.م” إلى مولاتى مشكلتها وقالت أنا سيدة ابلغ من العمر 33 عام وزوجى 34 متزوجة منذ 6 سنوات انجبت ولدين خلال هذة الفترة وزوجى يقترض ولا يسد ولا يعمل عمل دائم .

سرقة الذهب

واكملت السيدة شكوتها،  وقالت:” جوزى مش حاسس بأى مسئولية كل ما يشتغل يسيب الشغل ويفشل اضطريت أبيع دهبى كله وسيبت الدبلة عشان ألبسها اتفاجئت أنه “سرق الدبلة وصرف فلوسها ولما سألته قال انا حر فى الدهب ولما قولتله لا دى بتاعتى ضربنى علقة موت وغضبت عند أهلى جاب أهله واتكلم قدام أهلى قالولى عيشى مع جوزك مفيش ليكى مكان هنا الشقة على أدنا ،كسرونى قدام جوزى وأهله ورجعت معاهم “.

وأضافت السيدة:” من بعد الموقف دة الضرب زاد والإهانة بقت أسلوب حياته نزلت أشتغلت ونزلت ولادى الحضانة كان بياخد فلوسى ويصرفها خروج ولبس “أنا تعبت وعاوزة أطلق وأسيب كل حاجة ورايا وأخد عيالى وأمشى ” أعمل إيه”.

ردت الإستشارية النفسية شيماء مصطفى يجب أن تعتمدي على نفسك بشكل كامل وتبعدي أبنائك عن هذه المشاكل التى بينك وبين زوجك.

القوامة

وأضافت مصطفى أن من أهم شروط الزواج قوامة الرجل ولكن فى حالتك ما دمت أنت تتكفلين بمصاريفك ومصاريف أطفالك انفصلى، لأن وجودك مع رجل كهذا سيجعلك تخسرين كل شئ،هو لم يكفه عدم المصاريف وقام بضربك أيضا وإهانتك وكلها أسباب تؤدى إلى الطلاق.

مساندة الأهل

واستكملت مصطفى:”بعض الأهل يعتقدون أن عدم كسر بناتهم هم بهذا يحافظون على بيوتهم وزواجهم ولكن ما يحدث هو العكس أن يتمادى الزوج فى أفعاله وتخرج الأمور عن السيطرة وقتها .