خيانة الشات ووجع الضمير .. ماذا لو انغلقت أبواب العودة ووقع المحظور؟

كتب- سارة منصور 

مهما تعددت المسميات والمواقف تبقى الخيانة خيانة وإن تم دفع ثمنها بعد العودة أتواب من المحبة، فباب الخطأ هزيل يسهل فتحة، وبوابة الوفاء خرسانية والعودة إليها ليست بالأمر اليسير.. كلمات أردنا توجيهها لصاحبة المشكلة الآتية التي تطلب مشورة مولاتي.

تقول السيدة” ا. س” : انا نفسيتي فالارض و استاهل و مش عارفه افوق، انا متجوزه من ١٠ سنين و جوزي مهمل فيا جدا و وحش و اهانه و مد ايد و شتايم، عندي طفلين منه، فضلت ادعي السنين دي كلها ربنا يهديهولي و كنت فعلا اوقات بعرف اتعامل معاه و الدنيا بتمشي و اوقات المشاكل الدنيا بيقلبها علي دماغي ”

وتضيف: “انا كلمت واحد كنت بحبه قبل ما اتجوز جوزي ده و محصلش نصيب، بصو قولو زي ماتقولو اغلطو فيا اعملو اللي تعملوه بس عايزه كلام يساعدني افوق بالله عليكم جيالكم بعد ما بقالي شهر يوميا عياط غير طبيعي عاللي وصلت نفسي ليه و ع احساس بالذنب و اني احساسي اني متعلقه بالشخص التاني جدا، اناعملت كل اللي يتعمل مع جوزي منفعش الا لما كلمت الشخص ده بقيت بارده ناحيه اي مشكله يعملها او لنا يغلط فيا و يشتم بقيت بسكت لحد ما هو اتعدل جدا و بقا كويس اتقلب ١٨٠ درجه معايا بقاله شهرين كويس معايا جدا”.

وتستكمل:”انا كنت روحي ف جوزي حرفيا بس انا مبقتش بحبه و بقيت بحس اني متعلقه بالشخص التاني ده جدا جدا مجرد ما كان جوزي يفضل يقل ادبه كنت اروح اكلمه ازيك و اي كلام مش كلام وحش او خارج كنت احس اني مرتاحه و اني مطمنة، انا مش هينفع اطلق عشان ولادي و عشان كمان هو جوزي اتعدل معايا و عايزه البيت ميتخربش بس انا مبقتش عارفه اشيل التاني من دماغي و بقيت احس اني عايزه اكلمه ”

وتختتم: ” هو اللي كنا مرتبطين ببعض ده قبل جوزي مش انسان وحش و بيقول انه بيحبني و بنتعامل بكل احترام و قابلته مره واحده من فتره لكن مبشوفهوش و لا بنتكلم فون بكلمه شات بس،ارجوكم و حياه عيالكم عايزه كلام يفوقني، و يخليني اعرف اعيش و اسيب التاني من غير ما تجرحوني، انا اقسم بالله كنت انسانه كويسه جدا انا عمري ما كنت كده بس خلاص وصلت لكل ده اعمل ايه؟.

نصيحة مولاتي

عزيزتي، أعلم وأدرك جيدًا مدى الحرمان العاطفي الذي شعرتي به من قبل، ولكن لا تكوني كالجائع الذي ألتقط لقمة من الأرض فأصابته بأمراض الدنيا، ولا تنكري أن المشكلة الأكبر بالعلاقة كانت بك.

ورغم  القسوة والإهانة التي كان يوجهها زوجك لك، والتي لا تعفيه من الجرم بحقك، ولكن ما الذي قلب الحال بالنسبة له له بتك الطريقة، أيكون التجاهل هو من حرره من لتسلط واتى به شخصًا صالحًا ربما.. اتريدين الآن ترك كل هذا والسير وراء مشاعر زائفة يتنهدم أمام أي مطب هزيل.. عودي لرشدك وواجهي الواقع..