زوجة تخلع زوجها ..تقول: “رجع من السفر معاه مراته الجديدة هديتى”

كتب -أسماء سرور

رفعت السيدة” دعاء.م” 38 سنة على زوجها دعوى خلع بسبب زواجه خلال سنوات الغربة بزوجه ثانية .

وقفت السيدة دعاء أمام المحكمة تبكى سنوات عمرها وزهرة شبابها الفانية مع زوجها الذى تحملت سفره منذ كانت فى بداية العشرين وتحملت مسئولية أربعة أطفال أصبح أكبرهم فى الجامعة الآن .

وقالت دعاء أنا أستحملت سنين ذل وبعد وحرمان كنت بوفر ليه كل الفلوس وكل ما أقوله خدنى حتى زيارة يقول الظروف صعبة وبلاش تضغطى عليا كفاية الغربة وفعلا كنت بسكت وبقول الله يعينك .

وأضافت أتحملت سنين تعليم العيال وكان بينزل كل سنتين أو تلاتة شهر ويرجع يسافر تانى عمره ماقال كلمة حلوة ليا عمره ما سمح ليا أروح أبات عند أهلى أو أروح فرح كان قافل عليا وهو فى الغربة عايش حياته .

وأستكملت دعاء وقالت الشركة استغنت عنه وكان ساعتها بيشتكى ليا همه أنه مش هيقدر قولتله خد الدهب وأعمل مشروع ومتزعلش معرفش المصيبة اللى عاملها لاقيته طاى من السفر فى ايده واحدة ومعاها بنت وولد بسأله مين دى هيا اللى ردت وقالت مراته ،سالته مين دى قالى خلاص هيا ردت ،بقوله مين العيال دة قال عيالى لاقيتهم كبار فى إعدادى مثلا ،قعدت أصوت وأغمى عليا مستحملتش الصدمة .

وطلبت دعاء من المحكمة ان تخلعها من هذا الشخص الذى رفض الطلاق حتى يحرمها من باقى سنوات عمرها فى سجنه .

قبلت المحكمة الدعوى وحكمت بالخلع والطلاق طلقة بائنة .