زوجة تطلب الخلع ..كلمة السر “عدم نخوة زوجها “

كتب -أسماء سرور

رفعت السيدة” مها .ك” 23 ستة دعوى خلع على زوجها بسبب عدم غيرته ونخوته على اهل بيته .

وقفت السيدة مها أمام المحكمة وقالت أنا متزوجة من سنة وأهم حاجة عند جوزى هو أصحابه اللى فتح ليهم البيت بعد أسبوع واحد من الجواز وكان دايما السهر والشرب عادة عندى فى البيت ولما أشتكيت من تصرفاته قال “أصحابى عندى أهم من اى حد فى الدنيا ..عيشى على الوضع دة “.

وأكملت السيدة :”هو مكنش مقصر فى مصاريف البيت وأحسن أكل كان بيجيبه ولكن مش بيخرج أبدا من البيت معايا ولا بيشوف حد من أهله ودة خلى علاقته محصورة بأصحابه وبس”.

واكملت:” ما جعلنى أترك المنزل هو حضور أحد أصحابه قبل مجيئه من العمل وعندما رفضت أن أفتح الباب كلمنى وقال “افتحى الباب وادخلى اوضتك ملكيش دعوة بحد لحد ما أجى ” ساعتها قررت أسيب البيت وأنهى علاقتى بالٱنسان دة طلبت الطلاق رفض قررت أخلعه” .

قبلت المحكمة الدعوى ولم تصدر حكمها حتى الآن.