زوجة تطلب الطلاق للضرر بسبب “زوجته الثالثة”

كتب -أسماء سرور

رفعت السيدة “ميرفت .ك “36 سنة دعوى طلاق للضرر على زوجها بسبب زواجه للمرة الثالثة ورفضه الإنفاق عليها وعلى أولاده.

وقفت ميرفت أمام محكمة الأسرة،وقالت: أنا زوجة تانية متجوزة من 10 سنين ودلوقتى نفس اللى حصل فى الأولى حصل معايا بالكربون ،لما أتجوزت جوزى كان متجوز زوجة اولى وعنده بنتين وولد واتقدم ليا على أساس أن مراته رافضة تخلف تانى وهو بيحب العيال وأنا كنت بشتغل عنده وكنت معجبة بيه ولما طلبنى للجواز وافقت على طول” .

وأضافت:” مرت الأيام وخلفت 5 أطفال 3 ولاد وبنتين وكل ما اقول كفاية يقول عاوز عيال تانى لحد ما بقوا خمسة وطبعا سايبنى لوحدى بيهم ،فى الوقت دة أهمل زوجته الأولى وأولاده وكانت دايما بتيجى عشان تطلب منه المصاريف لأولاده وهو كان بيرفض مكنتش بدخل مهما كان دى ضرتى ،للأسف الزمن مش بيرحم وبقيت أنا مكانها دلوقتى وبتحايل عليه يصرف على عياله هو مش معبرنى عشان مشغول بعروسته الجديدة ،قررت رفع قضية طلاق للضرر للحصول على حقوقى ومصاريف لأولادى “.

حكمت المحكمة بالطلاق طلقة بائنة وإلزام الزوج بكافة النفقات المترتبة على الطلاق.