زوجة تطلب طلاق للضرر بسبب “إجبارها على الحمل كل سنة “

كتب -أسماء سرور

رفعت السيدة أحلام .ج 25 سنة دعوى طلاق للضرر على زوجها بسبب إجبارها على الحمل كل سنة ولديها 5 أطفال حاليا.

وقفت السيدة أحلام أمام المحكمة تشكو زوجها وقالت انا تزوجت من 6سنين وربنا كرمنى وحملت على طول وجبت أبنى الأول لاقيت جوزى بيقولى بلاش تركبى وسيلة عشان أنا بحب العيال قولت مفيش مشكلة وسمعت كلامه لحد ما بقى عندى 5 فرق ما بينهم شهور .

وأضافت أنا تعبت من الحمل والرضاعة والسهر حتى مكنتش بروح أزور أهلى بسبب صعوبة الخروج بأطفالى ،لحد ما بقى عندى 3 أولاد وبنتين والبنت الصغيرة عندها شهرين طلب منى أحمل تانى ،رفضت وقولت هركب وسيلة إحنا ربنا كرمنا بالولاد والبنات وأنا صغيرة على كل المسئولية دى .

الزواج الثانى

وأكملت اتفاجئت بيه بيقول إما تجيبى العيال اللى أنا عاوزها أو اتجوز واحدة تانية حاولت اتناقش معاه رفض وفعلا راح خطب واحدة ،ساعتها غضبت وسيبت البيت ولكن محدش قدر يصرف عليا وعلى خمس عيال فى الظروف دى طلبت منه نفقة ليهم رفض وخيرنى إما أرجع وأجيب عيال ويصرف علينا أو يبقى الوضع كما هو عليه .

حكمت المحكمة بالطلاق للضرر طلقة بائنة وإلزام الزوج بكافة النفقات المترتبة على الطلاق