سلطة البنجر.. أقوى المقبلات المحفزة للتركيز في الامتحانات
كتب- سارة منصور
تعد سلطة البنجر من أقوى القبلات التي تعمل على زيادة تدفق الدماء والأكسجين إلى الدماغ، لذلك يعدّ مثالا جيدًا للسلطات التي تساعد على تقوية الذاكرة والتركيز.
والبنجر غني بمادة النيترات التي تتحول فى الجسم إلى مادة أكسيد النيتريك، والتى تلعب دورا هاما في التواصل بين خلايا الدماغ المسؤولة عن اللغة والتعلم وإتخاذ القرارات ، لذلك يعد البنجر ضمن أفضل المواد الغذائية لتقوية الذاكرة.
طريقة عمل سلطة البنجر
وفي هذا التقرير نقدم لكي طريقة عمل سلطة البنجر على طريقة الشيف الشهير محمد شحاتة والمعروف بمو شحاتة والمنشورة على صفحته الرسمية على الفيس بوك.
بنسلق البنجر لمدة تلت ساعة ونضيف معلقة صغيرة ملح مع مية السلق
طبعا هكون غاسل البنجر كويس جدا ومنضفة بفرشة الخضروات قبل السلق لأن مية السلق دى هى اللى هتبق الدريسنج بتاع السلطة
وبعد السلق بنقشرة ونقطعه زى ما احنا عاوزين وبنضيف معلقة سكر فى مية السلق ونضيف عليها البنجر وبنقلبوا كويس و دى الطريقة الأساسية .
لو عاوزين تضيفوا مع الدريسنج (مية السلطة بتاعة البنجر) فص ثوم مهروس ومعلقة زيت وعصير ليمون او خل و ممكن نستبدل عصير الليمون بعصير البرتقال بيكون رائع جدآ معاه وممكن مايونيز يغنى عن كل ماسبق ، كل ده حسب الرغبه.
