من دفتر أحوال المرأة..سيدة تخلع زوجها بسبب قطة

كتب -أسماء سرور

رفعت السيدة “مايا .م “26 سنة على زوجها دغوى خلع بسبب تعنيفه قطتها.

وقفت مايا أمام محكمة الأسرة، وقالت:” أنا من قبل ما أتجوز جوزى وعندى قطة بقالها عشر سنين معايا عمرى ما أتخيل ابعد عنها ولو يوم واحد وكان دة شرطى أنها تعيش معايا عشان اوافق عليه وفعلا تمت الخطوبة”.

وأضافت مايا:” أكتر مدة قعدت بعيدة عنى قطتى هو أسبوع السفر ومن بعد الجواز وجوزى مل شوية عامل مشكلة معايا حتى لما كنت حامل كان بيسمع كلام غريب عن القطط ويقولى عليه وأنا بفهمه انها واخده كل التطعيمات مفيش مشكلة ،قالى المهم ابنى وأنا خايف عليه من القطة وكلم أهلى هما عارضوه ولكن هو كان مصمم على كلامه وخيرنى إما يقعد فى البيت او القطة ،خدتها وروحت بيت اهلى كنت فى أخر شهرين فى الحمل”.

واستكملت كلامها وقالت:” جات ساعة الولادة حضر وكان فرحان جدا بالولد وبعد السبوع روحت البيت ومعايا قطتى اللى صحيت ملقيتهاش فى البيت اتجننت وانهارت خوفت يكون عمل فيها حاجة قال بكل بساطة خلاص وديتها مكان بعيد ،جالى صدمة وقعدت أعيط وهو يقول بلاش تكبرى الموضوع دى قطة وانا أقوله دى عى زى ابنى وهو مصمم أنه عمل الصح ،طلبت الطلاق رفض ،قررت الخلع لانى مش هقدر أعيش معاه تانى بعد اللى عمله”.

وقبلت المحكمة الدعوى وتم الطلاق طلقة بائنة.