سيدة تخلع زوجها بسبب “طعنه فى شرفها “
كتب -أسماء سرور
رفعت السيدة مديحة .ط 38 سنة على زوجها دعوى خلع بعد زواج 19 سنة وإنجاب ثلاث أولاد بسبب طعنه فى شرفها فى كل مشكلة بينهما.
وقفت السيدة مديحة أمام المحكمة وقالت أنا أتجوزت جوزى وأنا صغيرة فى السن وسافرنا واتغربت معاه وخلفت ولادى كلهم فى الغربة ولكن من سوء طبع زوجى أنه كان كل خناقة بينا يشتمنى بأقذر الألفاظ ويتهمنى فى شرفى ويسمعنى أقسى كلمة ممكن أسمعها فى حياتى “العيال دول مش عيالى ..دول ولاد حرام ” طبعا مكنتش عاوزة أخرب بيتى وقولت أعيش واستحمل وكلام عصبية وخلاص .
وأكملت السيدة بدأ فى مسلسل مد الأيد وكان الموضوع مع كل خناقة بيطور بشتائم أصعب وكلمته الشهيرة “العيال مش عيالى ..دول ولاد حرام ” فاض بيا الكيل غضبت وروحت عند أهلى .
وأضافت قولت أكيد هيجى يصالحنى ونرجع تانى اتفاجئت بيه بيكلم أخويا يطلب منه أنه عاوز يعمل تحليل للعيال عشان يطمن أنهم ولاده اتجننت ورفعت خلع لإستحالة العشرة مرة أخرى بينا .
قبلت المحكمة الدعوى ولم تصدر حكمها حتى الآن.
