سيدة تخلع زوجها بسبب “غسالة الأطباق”

كتب -أسماء سرور

رفعت السيدة” رنا .ط” 30 سنة على زوجها دعوى خلع بسبب رفضه وجود غسالة أطباق فى المنزل.

وقفت السيدة رنا أمام المحكمة وقالت:” فى البداية جوزى عنده معرض أجهزة منزلية يعنى يقدر بسهولة يعمل طلبى ولكن هو رفض تماما غسالة الأطباق كل السنين اللى فاتت وانا متجوزة بقالى 10 سنين” .

وأضافت السيدة أنها فوجئت به يحضر غسالة أطباق هدية لأمه بمناسبة عيد الأم السنة الماضية وعندما جددت طلبى، قال ” أمى ست كبيرة والغسالة كمان غالية فى الظروف دى ” .

وأكملت السيدة:”بعدها بشهرين لاقيت سلفتى جابت واحدة من عند جوزى فى المعرض وعرفت منها أهم خدوها تقسيط وكمان عملهم خصم كبير عشان خاطر أخوه غضبت واتجننت وطلبت منه للمرة الأخيرة ” زى ما سلفتى جابت أجيب أنا كمان قال متبصيش لحد كل واحد حر فى بيته ” غضبت عند أهلى وطلبت الطلاق رفض ،رفعت خلع عليه” .

قبلت المحكمة الدعوى ولكن لم تصدر حكم حتى الآن .