سيدة تطلب الخلع بسبب “البلايستيشن”.. أيه الحكاية ؟

كتب -أسماء سرور
رفعت السيدة لينا .ك 27سنة على زوجها دعوى خلع بسبب إهتمامه بالخروج مع أصحابه وتفضيلهم عليها.

وقفت لينا أمام محكمة الأسرة وقالت أحنا متجوزين من سنتين بعد قصة حب كبيرة وكان ما بينا مشاكل كتير قدرنا نتغلب عليها عشان نكون مع بعض ولمن أساس المشاكل أنه دايما كان بيهملنى ويخرج مع أصحابه ودة كان سبب إنفصالنا أكتر من مرة قبل الجواز.

وأضافت لينا قولت كل دة هيتغير بعد الجواز وهو كان وعدنى بكده اللى للأسف الموضوع أتحول لكابوس بعد أسبوعين من الفرح جمع كل النقطة وراح جاب بلايستيشن وكان حجته أنه يكون معايا فى البيت واتحكم فى الوقت اللى يبقى أصحابه معاه وأنا صدقت ووافقت ،وكان الأول بيتجمعو كل أسبوع يوم الخميس ويطلب منى أروح أبات عند أهلى كنت بوافق لحد ما الموضوع اتطور وبقى تقريبا كل يوم لدرجة أنهم ساعات بيباتو فى أوضة الأطفال أعترضت على الحياة دى كان رده إنى عاوزة أتحكم فيه وخلاص ويكون معايا أنا وبس وطالما مش مقصر فى البيت يبقى خلاص أنا متكلمش ،سيبت البيت لأنى تأكدت إنى عمرى ما هكون أولوياته وقررت رفع خلع عليه .

قبلت المحكمة الدعوى ولم تصدر حكمها حتى الآن.