سيدة تطلب طلاق للضرر بعد 4 أيام زواج كلمة السر “حماتها”
كتب -أسماء سرور
رفعت مى.م 20 سنة دعوى طلاق للضرر بعد أربع أيام زواج فقط بسبب ضرب زوجها المبرح لها بسبب حماتها.
وقفت مى أمام محكمة الأسرة تبكى وقالت أنا اتجوزت لمدة أربع ايام بعد خطوبة 3 شهور فقط كان أهل جوزى وجوزى نفسه بيتجملوا لدرجة كنت فكراهم ناس ولاد اصول ومحترمين بجد ولكن ظهر العكس للأسف،ظهرت تحكمات حماتى لما منعت أهلى طول شقتى يوم الفرح وقالت خلاص كله يروح وفعلا محدش عمل مشكلة وأهلى مشيوا من غير ما حد يتكلم معاها.
وأضافت اتفاجئت بحماتى طالعة الساعة 7 الصبح بتخبط على الباب مفتحتش رنت عليا قومت ليها وسالتها إذا كان فى حاجة قالت ليا أنزل أحضر فطار تحت قولتلها الوقت لسه بدرى قالت “بدرى ايه انتى بعد كدة هتصحى من الفجر معانا كفاية دلع لحد كدة ” انا رفضت أنزل لأن الإتفاق إنى كنت هقعد لوحدى مليش دعوة ببيت العيلة قالت “الإتفاق دة عند اهلك مش هنا البيت هنا انا اللى بحكمه واقول اللى يحصل” ساعتها جوزى صحى على الصوت وقال تنزلى تعملى اللى أمى بتقول عليه رفضت طبعا ساعتها اتفاجئت بحماتى مدت أيديها عليكى غصب عنى بعدتها عنى راح جوزى نزل ضرب فيا وخدت “علقة موت” وكلموا أهلى ياخدونى لأنى مش متربية فى وجهة نظرهم ،بالفعل روحت مع أهلى وقررت رفع طلاق للضرر واثبت اللى حصل معايا فى محضر رسمى .
حكمت المحكمة بالطلاق طلقة بائنة وإلزام الزوج بكافة المصاريف
