صينية بطاطس بالفراخ الذهبية..وجبة مفضلة على سفرة رمضان
كتب ـ أسماء سرور
تعد صينية البطاطس بالفراخ من الأكلات الرئيسية فى العزائم وسفرة رمضان بسبب طعمها الرائع ومذاقها المميز،سنتعرف خلال التقرير التالى وصفة لذيذة لتحضير صينية البطاطس بطعم سيبهر كل من يتذوقها.
يقدم لك مطبخ مولاتى طريقة صينية البطاطس بالفراخ.
المكونات
فرخة مقطعة
ك بطاطس
بصل
ملعقة ثوم مفروم
طماطم
فلفل
صلصة
2 ملعقة معجون طماطم
توابل”ملح -فلفل أسود -كمون-كزبرة-بابريكا”
طريقة التحضير
اغسلى الفراخ جيدا ثم قطعيها اربع قطع وتبليها بالملح والفلفل الاسود.
قشرى البطاطس وقطعيها شرائح وقطعى أيضا كل الخضروات شرائح.
ضعى طاجن على النار فيها زيت ثم حمرى الفراخ فيها حتى يصبح لونها ذهبى ثم انزلى بشرائح البطاطس والخضروات وقلبيها لمدة ثلاث دقائق.
انزلى بالصلصة ومعجون الطماطم وباقى التوابل ثم ضعى الصينية فى الفرن لمدة ساعة بعدها شغلى الشواية حتى يصبح لونها ذهبى.
قدمى صينية البطاطس بالفراخ مع ارز بشعرية ومخلل.
