عايدة غنيم تعاود الظهور بعد غياب .. وتحذر طليقها من التدخل في حياتها

كتب- رقية عيسى

نشرت الفنانة عايدة غنيم، فيديو على صفحتها الرسمية على الفيسبوك تطالب من خلاله طليقها وجميع من حولها بتركها هى وابنها وعدم الحديث والتدخل في حياتهما.

فيديو تحذيري

وظهرت الفنانة عايدة، بعد غياب كبير، وهى مستاءة من الاقاويل التي تطاردها من اقاربها وطليقها، مؤكدة غنه لا احد يساعدها او يصرف على ابنها المريض وانها متكفلة بمصاريفه وعلاجه ولا عريد شيئا من أحد، محذرة من خلال الفيديو طليقها والاقارب من الاستمرار في الاكاذيب حتى لا تقوم بفضح الجميع والحديث عن كل شيء يحدث معها.

عالم التيك توك

يذكر أن الفنانة عايدة غنيم قد دخلت عالم السوشيال ميديا والتيك توك، لتحسين حالتها المعيشية خاصة وانه لا يوجد عروض لها للتمثيل منذ فترة طويلة.

وقالت عايدة غنيم: «حياتي كلها دلوقتي ابني وعلاجه ومبنامش، فمعنديش وقت أدخل شلة، وأنا عايشة على السوشيال ميديا والتيك توك وبفتح لايفات، والتيك توك بالنسبة ليا بقى هو اللي أنا معتمدة عليه في مصاريفي ومصاريف ابني علشان معنديش شغل، والسوشيال ميديا اللي أنا أقدر أصرف من خلالها، وهي أه مبتجبش ليا المبالغ اللي الناس متخيلاه علشان في حاجات إحنا كفنانيين منقدرش نعملها علشان نحافظ على شكلنا، ولكن المهم أنها بتساعد بجزء كبير».

حقيقة اعتزال عايدة غنيم للفن

وفي تصريحات سابقة لها، ردت الفنانة عايدة غنيم على حقيقة اعتزالها الفن بعد مقتل والدتها، بجانب الكشف عن سبب غيابها عن الساحة الفنية خلال الفترة الماضية، وقالت : ” أنا معتزلتش الفن، ولكن الصدمة نفسها بتاعة الموقف لما حصل كنت وقتها شغالة مسرح، وفقدت النطق 40 يوما وقعدت في المستشفى، الأحبال الصوتية مبتكلمش، وطبيعي إني بعدت لأني نفسيًا مكنتش مؤهلة، وأنا لغاية فترة قريبة مكنتش بتكلم عن قتل والدتي ولا بحب حد يجبلي سيرته».

وأضافت: «في ناس كتير بيشوفوني إحنا فاكرينك اعتزلتي.. لأ يا جماعة أنا معتزلتش، ولكن أنا مبعرفش أرفع سماعة تليفون على حد معرفوش وأقول له أنا عايزة أشتغل، وده ممكن أعمله مع المخرجين اللي اشتغلت معاهم بتصل بيهم في الأعياد، ولكن معظمهم مبيشتغلوش».