قفشت جوزي في وضع صعب.. رسالة من بريد مولاتي

كتب- سارة منصور

تقول س. ط في رسالة لبريد مولاتي “انا هاطلق الاسبوع ده خلاص، وده بسبب ان جوزي اتجوز عليا بسبب الخلفة بعد عشره 4 سنين جواز”.

وتضيف “بعد جوازي اكتشتف ان صعب جدا اخلف والعلاج هاياخد وقت طويل، وعشان كده قولتله لو عايز تتجوز عليا وننفصل بالمعروف لكن اوعدني ماتتجوزش عليا ابدا وهو وعدني وبقي يشد من اذري دايما”.

وتتابع” من سنه بدأ يسافر تبع الشغل ويبات برا ماشكتش فيه عشان مهندس وهو كان مفهمني انه اترقي وبقي ف منصب لازم يسافر فيه، لحد ما واحده صاحبتي قالتلي انها شافته مع واحده، راقبته لحد م نزل من الشغل مره وراحلها وانا روحت وراه وطلعت العماره وفتحتلي مراته التانية”.

وتختتم” اعتذراته المتواصلة لم تشفع له، حتى ان امه ومراته التانية اترجوني وانا رفضت وصممت على الطلاق، بس دلوقتي كله رافض وبيحاولوا يخلوني ارحع في قراري، اعمل ايه”.

رد الطبيبة النفسية لمولاتي

تقول د. شيماء مصطفى، استشارية الطب النفسي بمولاتي:

طيب الله جراحك اولا، وعن تراجعك من عدمه فيجب ان لا يكون بسبب ضغوط من حولك، حتى لا تتركي مساحة للندم، وعن زوجك فقد اخل بالاتفاق والعقد، والعقد شريعة للمتعاقدين.