كيف أعلن أحمد سعد عن عودته لزوجته عليا بسيوني؟.. فيديو طريف من الساحل الشمالي

كتب- ندى أشرف 

حالة من الجدل أثارها ظهور المطرب أحمد سعد وطليقته عليا بسيوني، في حفل زفاف نجل الإعلامية بسمة وهبة الذي أقيم قبل يومين في إيطاليا.

حيث ظهر الثنائي بعد عودتهم لبعض في أول ظهور، وعلى الفور تناول رواد مواقع التواصل الاجتماعي أخبار عودتهم، وهذا ما أكده بعد ذلك النجم أحمد سعد في حفله بالساحل الشمالي ضمن احتفالات اليوم الوطني السعودي الـ94.

حيث أعلن أحمد سعد عبر حسابه على Instagram رجوعه لزوجته عليا بسيوني من خلال فيديو طريف من حفله بالساحل الشمالي، قائلا: “باركولي أنا خطبت”.

وقال أحمد سعد: “في يوم جميل زي ده طبعا أنا كنت متجوز من سنتين وعندي عيلين، فين بس مراتي اللي هي دلوقتي بقيت خطيبتي، إحنا اتطلقنا يعني بس قررنا قرار أنا حبيت أقوله قدامكم إن إحنا نعمل فترة خطوبة حتى العيال تحضرها بالمرة”.

وتابع أحمد سعد: “هي موجودة معانا سقفولها يا جماعة عشان إحنا بنبتدي حياة جديدة، دي رسالة لكل الناس اللي اتطلقت أو لسه هتطلق واللي هيتجوزوا يدوا نفسهم فرصة بعيد عن أي مشاكل أو أي حاجة ويبتدوا حياة جديدة مفيهاش أي حاجة وحشه ولا حلوة يبقوا مع بعض وخلاص”.