معاناة سيدة..”بيعايرني بقى ليا بيت عشان كنت عايشة مع مرات أبويا”

كتب -أسماء سرور

أرسلت السيدة” أ.م ” إلى مولاتى مشكلتها وقالت انا سيدة تبلغ من العمر 27 سنة وزوجى عنده 45 سنة تزوجت فى عمر ال 16 وأنجبت 3 اولاد هم كل حياتى .

واضافت السيدة:” أنا مشكلتى إتى يتيمة الأم امى توفت وأنا رضيعة ومليش أخوات تانى وابويا اتجوز على طول زروحت عيشت عند جدتى كانت أحن واحدة عليا فى الدنيا وحياتى كانت كويسة كنت بتعلم وشاطرة ولكن ماتت جدتى وماتت معاها كل فرحتى كنت ساعتها 13 سنة”.

وفاة السند

واستكملت السيدة أن حياتها بعد وفاة جدتها انقلبت رأسا على عقب إذ عادت لتعيش مع زوجة أبيها وكانت تعاملها أسوء معاملة وخرجتها من التعليم وأصبحت تخدم فى البيت إلى أن تقدم زوجها يكبرها ب 18 عام ومطلق قبل كدة .

المعايرة

واستطردت حكايتها وقالت “اتجوزته عشان أهرب من البيت ولكن معرفش أن مصيرى هيبقى الذل والإهانه وكمان الخيانة وبيذلنى أن بقى ليا بيت بعد ما كنت عايشة عاله على مرات أبويا” للأسف بيعايرنى بظروفى وبيضغط عليا إنى مش هقدر أرجع أعيش معاهم تانى.

واكملت أن حياتها أصبحت جحيم وقالت أصبحت أتناول المهدئات لكى أستطيع النوم وصل الأمر إلى الضرب المبرح فأخذت قرار الطلاق وصممت عليه قالى “هترجعى ليا تانى زى الكلبة ..انتى ملكيش حد غيرى ” والكلام دة قطع أى حبل بينى وبينه ونزلت أشتغلت عشان أصرف على نفسى وعلى عيالى وأجرت شقة لوحدى وهو بيدفع بس 2000 جنيه نفقة وأنا الحمل بقى عليا كبير اوى مش عارفة أعمل ايه؟

ردت الإستشارية النفسية

ردت الإستشارية النفسية شيماء مصطفى وقالت أرى المعاناة حقا فى رسالتك وأشعر بمدى ألمك ووجعك ولكن ما رأيته هو إصرارك على البداية الجديدة ونزولك للعمل نعم الحمل ثقيل ولكن أنت شخصية مثابرة ولك كل الإحترام.

واضافت مصطفى أما بالنسبة لطليقك فى البداية لم يكن هناك أى توافق لفرق السن وإختلاف العقليات لهذا السبب مع ذلك لم يحتويك ولكن ضغط على موضع الجرح وهو يعلم أنك لن تتركيه ،ارجوك لا تنظرى للخلف مرة أخرى ولا تتسرعى فى بداية جديدة.

المسئولية

واستكملت مصطفى بالنسبة لأطفالك انت الآن الأب والأم لهم فلا تجعليهم يشعروا نفس إحساس اليتم مثلك واحتويهم وعيشى طفولتك مرة أخرى من خلالهم ولا تدخلى أى علاقة بدون ترتيب كل أمورك .