معايرة خطيب اختي سبب همي.. مشكلة من بريد مولاتي
كتب- ندى الجبالي
في مشكلة من بريد مولاتي ، تحكي أ. س، عن التي تواجه اجتها قائلة ” اختي مخطوبه من سنتين هي عندها ١٨ سنه فرحها بعد العيد بس دايما في مشاكل هي وخطيبها على ولا حاجه حرفيا هديكو نبذه مختصره عن مشاكلهم يعني اخر مشكله كانت بسبب انها جايه من الامتحانات تعبانه ونامت فبتقولله اني تعبانه من مشوار الامتحانات قالها انتي بتدعي المرض “.
وتضيف:” اختي مش بتتلم على حد من صغرها وملهاش في حوارات البنات وشغل البنات فمعرفتها بالامور دي على قدها شويه بحكم ان حياتها كلها في البيت مع والدتي واخواتي الولاد فمره بتقول لخطيبها انا مش بعرف اتكلم مع حد ولا افتح مواضيع وكده زي البنات علمني انتا اعمل كده ازاي فبقا يعايرها بكده كل شويه يرميها في وسط الكلام …ولا انتي مبتعرفيش تفتحي مواضيع كل شويه كده”.
وتتابغ” بقاله كام يوم مكلمهاش امبارح بعتتله رساله قالتله انتا مبتكلمنيش ليه راح جاي مكلمها بيقولها انا مش منبه عليكي متسألنيش انتا عملت الحاجه دي ليه ومعملتش كذا ليه انتي ازاي تسأليني انتا مبتكلمنيش ليه المهم اتخانقو وكده وقعد يزعق وهي مبعرفش ترد خالص وفضلت تعيط من غير صوت وهو عمال يشتم فيها يقوللها انتي معندكيش دم انتي مبتحسيش انتي مريضه انا بقرف منك انتي بارده وهي كل ده بتعيط وكاتمه العياط .”.
وتختتم:” ولو شكينا لاخوه يطلعها هي غلطانه وفي الاخر يطلعو الحق عليها لحد ما البنت من كتر ما بقت مقتنعه بأنها هي الغلطانه وانهي الي بتعمل المشاكل بقت تسمع كل كلامه وتنفذه زي الروبوت بقت ماشيه زي ما هو يوجهها رغم انها مش راضيه عن كل ده بقت تسمع الشتيمه وتكتم العياط وتسكت وترجع هي تصالحه وتكلمه.. قولولي انا حاسة ان اختي كده بتلبس”.
رد مولاتي
احساسك وحدسك صحيح، فبكل كلمة من كلماتك رسالتك لم أسمع منك ميزة واحدة محمودة لهذا الشخص حتى انني اتسائل نع نفسي، ما الذي يجبر فتاة صغيرة ان تعيش هذا الواقع المأساوي.. لذا فعليكي عزيزتي ان توجهي كلمة واحدة لأختك على لساني.. أهربي..
