من داخل محكمة الأسرة.. سيدة تطلب طلاق للضرر..تقول: “عاوز يتجوز التالتةبعد ما قبلت أولاد ضرتى يعيشوا معايا”
كتب-أسماء سرور
“بعد ما وافقت عليه وهو عنده قضايا ومشاكل مع زوجته الأولى وقبلت ولاده يعيشوا معايا عاوز يتجوز عليا” هكذا بدأت هيام كلامها داخل محكمة الأسرة، تعالوا نعرف الحكاية.
طلب الزواج
وقفت هيام أمام محكمة الأسرة وقالت”أنا كنت مطلقة بدون أولاد تقدم لى زوجى ووافقت عليه كنت أعرف وقتها أنه مطلق ولديه ثلاث أولاد يعيشوم مع أمهم ولكن الحقيقة أنه لم يكن طلق بالفعل وبينه وبين زوجته قضايا ومحاكم ولكن وافقت به ووقفت بجانبه.
اكملت هيام وقالت”تم الطلاق بينه وبين زوجته الأولى وتركت له الأولاد فطلب منى اتمام الزواج بأسرع وقت حتى أهتم بأولاده وينزل شغله ويراعى مصالحه وافقت لأكون بجانبه وتحملت مسئولية أولاده.
الجوازة التالته
تابعت هيام “مر سنتين وكنت اريد الحمل كان يرفض ويقول أولادى صغيرين استنى يكبروا عشان يشيلوا معاكى وكنت بوافق لحد ما لاحظت تغير زوجى معايا وكلامه فى التليفون بالساعات بدأت ادور وراه ساعتها.
أضافت هيام وقالت” بعد البحث وجدته يعيش قصة حب مع واحدة ووعدها بالزواج وانا كنت الخدامة اللى بخدم ولاده وقبلت يعيشوا معايا وهو عايش قصة حب مع التالته وعاوز يتجوزها، طلبت الطلاق قعد يحلف أنه بيحبنى ولكن كنت اشعر أنه استغلنى وكرامتى اتهانت فرفعت طلاق للضرر.
حكمت المحكمة بالطلاق طلقة بائنة وإلزام الزوج بكافة النفقات.
