من دفتر أحوال المرأة..سيدة تطلب طلاق للضرر بسبب “الخلفة”

كتب -أسماء سرور

رفعت السيدة” هنادى .ك “28 سنة دعوى طلاق للضرر بسبب الخلفة لأن سلفتها لا تنجب مثلها .

وقفت السيدة هنادى أمام محكمة الأسرة، وقالت:” أنا متجوزة من 8 سنين وعندى 6 أطفال كل مرة بحمل بجيب تؤام ودة رزق الحمد لله ولكن عندى سلفتى مش بتخلف متحوزة بقالها أكتر من 15 سنة علاقتى بيها كويسة وبخليها تتعامل مع عيالى عادى وتهتم بيهم “.

وأضافت هنادى:”انا ولدت أخر تؤام من 3 شهور اتفاجئت بجوزى بيقول كفاية علينا أربع عيالى ونديهم لأخويا ومراته يربوهم اتجننت ازاى تاخد عيالى وتديهم لحد حتى لو كان أخوك قال أنا مش قادر على مصاريفهم وأخويا أولى بيهم ،قولتله العيال فى البيت وأنا مش بمنعهم ياخدوهم ويباتوا كمان بس دول عيالى فى الأخر وأنا أم “.

واستطردت كلامها وقالت:’ هو سكت أسبوع ولاقيته فتح الموضوع أنه يدى لأخوه الولد ويسيب البنت رفضت وغضبت عند أهلى ،جه لأهلى وقال أنه مش قادر على مصاريفهم وان الحال صعب قولتله أخوك يساعد معانا بس مياخدش حد من عيالى رفض وقال شوفى مين هيصرف عليهم كلهم ورفض يبعت أى مصاريف “.

وقبلت المحكمة الدعوى ولم تصدر حكمها حتى الآن.