أبن زوجي بدأ يكرهني.. إيه الحل؟
كتب- سارة منصور
قد تهب لك الحياه ملاك في صورة أم لم تنجبك من رحمها، ولكنها باتت بأفعالها أم من الطراز الأول، واستحقت عن جدارة منحها لقب مولاتي
تروي السيدة” أ.ج ” وتقول ؛”انا متجوزه واحد مطلق ومعاه ولد انا ال بربيه دلوقتي لان مامته سابته من زمان لباباه علاقتي بالولد كويسه جداااا في الاجازه نيجي بقي للدراسه بحس ان الدراسه دي كرهته فيا لانه مابيحبش خالص المذاكره هو في سادسه ابتدائي”.
وتضيف: ” كنت بذاكرله كل كلمه في المنهج ومذكرات المراجعه مش بسيبله اي نقطه في المنهج غير لما احفظهاله بس طبعا دا كله بالخناق مره يسمع الكلام وعشره لا بشجعه بكل الطرق وقعدت معاه قعدات كتير هاديه انه يحب مذاكرته ويسمع كلامي ومايخليش حد احسن منه يتشجع خمس دقايق ويرجع تاني للعب”.
وتتابع: ” عندي المذاكره لازم تاخد حقها حتي لو مش هاتجيب درجات كويسه دي بتاعه ربنا المهم يعمل ال عليه مفيش فايده تعبني جدا جدا دخلت ابوه في ان الولد كدا بدا يبوظ في المذاكره وكدا ماينفعش ابوه معملش رد فعل خالص بيكون شايفني وانا بحايل عليه يذاكر او يقوم يمشي”.
وتستكمل: ” ١١ سنه مشاء الله لازم تدخل منك مش فاهم كلامي خالص زعلانه علي الولد جدا والله خصوصا مشاء الله ولاد عمه كلهم من الاوائل انا عملت محاولات كتير انه يتابع مذاكرته كويس مفيش فايده خالص الدراسه بقي تخلص بنرجع حبايب تاني”.
وتختتمت: ” الولد عموما الحمد لله متعلق بيا جداا وحنين عليا مشكلتي كلها موضوع المذاكره اعمل ايه اسيبه وهو حر بس هايبوظ ولا اخانق معاه تاني واشد عليه ولا اعمل ايه انا اخر مره قولت لابوه لو الولد مافلحش زي باقي ولاد العيله مشاء الله ماترجعش تقول انا السبب.. اعمل ايه بجد؟”.
نصيحة مولاتي
أولًا: تحية لأجمل مامي، دؤوبة وحريصة على مستقبل أبنها أكثر من الجميع.
أما عن طفلك، وبكل كلماتك هو طفلك لا طفل زوجك فقط، فسيقدر ما تفعلين معه مع الأيام، فلا تنتظري نظرة الرضا التي ينتظرها الجميع من الآن وأما عن أبيه فحال حال رجال الأرض جميعا. زوج حنون متحمل المسئولية فيما يخص النفقات، غير مبالي بمجريات الأمور.
وأما عن الدراسة والتحصيل فاستمري ما بين الترغيب والتحفيز والإصرار وجزاكي الله كل الخير.
