أخويا كسر فرحة عيالي بالعيد بتصرف مريب..مشكلة من بريد مولاتي
كتب- ندى الجبالي
برسالة تملؤها الدموع والألم، وردت إلى بريد مولاتي، رسالة من سيدة، تقول: ” مرات اخويا اتصلت بيا وقالتلي تعالي نفسح العيال ثالث يوم ونوديهم البحر وكدة قولتلها تمام ماشي وانا هعمل الغداء متجبوش حاجة معاكم وعيالي فرحوا وكانوش عايزين يناموا وقعدوا يحضروا في حاجات البحر ومبسوطين لانهم معندهمش إلا خال بس فالعيال مبسوطة وكده انهم هيبقاو مع خالهم وعيالة زي اي حد”.
وتضيف: “امبارح العصر اتفاجأت ان اخويا بيتصل بيا يقولي انا مش جاي بكرة قولتلة ليه في اية بس قالي اصل مراتي رايحة البحر مع اهلها يوم الجمعة وانا مش هقدر اروح البحر مرتين فاانا هروح يوم الجمعة قولتلة لا ولا يهمك اهل مراتك اولى مني وقفلت طبعا بناتي عياط والصغيره قالتلي خالو كسرلى قلبي والكبيرة عياط وقفلت على نفسها وقالتلي احنا ملناش حد”.
وتستكمل: ” اتصلت بماما قالتلي اصل مراته اتعاركت معاة عشان عايزه تروح مع اهلها وبتقوله اختك مين اللي أروحلها انا معرفهاش مع ان هي اللي اتصلت وقالتلي نروح فا انا لقيتة بعدها بساعتين بيرن رحت قفلت تليفوني وطبعا عشان قلت لجوزي مش هيجوا عشان عمها تعبان وقولت للبنات ميقولوش حاجة وحاولت اهديهم وافرحهم”.
وتختتم: “على الساعة واحدة بليل لقيت اخويا بيرن مرضتش واتصلت بماما قولتلها خلي مايكلمنيش تاني انا نفسية عيالي بسببة بقيت وحشة لقيتها بتقولي اصل هو جايلك بكرة هو وعياله قولتلها لا ميجيش خلاص عيالي انا نيمتهم بالعافية فغلطوني. هل أنا غلط”.
رد مولاتي
الحقيقة لقد فطرت مشكلتك قلبي إلى إن جاء ذكر زوجك برسالتك المذكورة إعلاه، فقد خدعتني الرسالة وظننت أن أبا أطفالك بعيد عنكم لأمر ما، ولكن إذا كان زوجك موجود فلماذا تعلقين على رجل آخر حتى لو كان خال أطفالك.
وإن كان الأمر يتعلق بالأموال فاستغلي العيدية أدخري وإن كان يتعلق برفض الزوج فأذهبي معهم ولا تنتظري دعم من أحد.
