بصباص وخاين وكداب. . تفاصيل دعوى خلع بمحكمة الأسرة

كتب- ندى الجبالي

توجهت هدير إلى محكمة الأسرة زواج دام 23 عاما لرفع دعوى خلع ، بعدما حاولت كل تلك السنوات التغيير من طباع زوجها الخائنة، ولم تفلح في ذلك.

وتروي هدير :”أنا متجوزة من 23 سنة، أنا وجوزي كنا قرايب من بعيد ما كناش نعرف بعض قبل الجواز، أهلي اللي جابوه وهما اللي وافقوا عليه، وأنا ما كانش ليا رأي، ما كنتش عايزة أتجوز أصلا، لكني مرضتش أكسر فرحتهم أو أعصاهم”.

وتضيف: ” تعبني معاه من يوم ما اتجوزته، وعمره ما ريحني أبدا ، لا فلوس ولا معاملة كويسة ولا أي حاجة، وكنت مستحملة وراضية وخلاص عشان خاطر عيالي التلاتة اللي خلفتهم “.

وتستكمل :”من أول يوم جواز وهو بيخوني، وبصاص، وكل أما كنت اسيبه كان بيجيلي وبالدموع ويحلفةانه هيتغير، فضلنا على الحال ده سنين، اشتكيت لأهلي ولأهله، واتكلمت معاه واتخانقنا وسبت البيت كتير”.

وتختتم: ” كل مرة يوعدني إنه هيتعدل، لكن ما فيش فايدة معاه أبدا، لحد ما قفشته بيخوني مع جارتي، مقدرتش اتحمل واتوجهت لمحكمة الأسرة لطلب الخلع”.