بعد خلاف لمدة عامين منة عرفة تعتذر لالهام شاهين وأشرف زكي.. ما القصة؟
كتب- ندى أشرف
تصدرت الفنانة منة عرفة، مؤشر الأكثر بحثا على جوجل الساعات الماضية بعد تقديم اعتذار للفنانة إلهام شاهين، على ما بدر منها وتصريحاتها التي ادلت بعدها الفترة الماضية.
يذكر أن هناك خلاف بين الفنانة الهام شاهين ومنة عرفة منذ عامين تقريبا، بسبب تصريحات الاخيرة ضد النجمة الهام شاهين في عددا من البرامج.
وقالت منة عرفة، في رسالة اعتذارها للنجمة إلهام شاهين،: “أنا عايزة أستغل الأيام الجميلة المفترجة اللي إحنا فيها دلوقتي وأقولك كل سنة وحضرتك طيبة جميلة وقلبك طيب وجميل وأبيض زي ما اتعودنا عليه وناجحة وبخير ديمًا يا رب، واعتذر لك وأقولك أنا آسفه عن اي حاجة صدرت مني تجاه حضرتك في يوم من الأيام أنا مكنتش أقصدها”.
كما اعتذرت منة عرفة، من أشرف زكي نقيب المهن التمثيلية، : “نقيبي وأستاذي ومعلمي والأب الروحي ليا ولينا كلنا، بعتذر لك عن أي حاجة ضيقتك مني في يوم من الأيام أو أي حاجة صدرت مني بدون قصد تجاه حضرتك، كلنا أولادك وبنتعلم من حضرتك وأنا أولهم”.
وأضافت: “آسفة لحضرتك على أي لحظة حضرتك اضايقت فيها و كنت أنا السبب حتى لو كانت مش مقصودة ولا عمري أقصد ، وكل سنة وحضرتك طيب وبخير بمناسبة الأيام المفترجة اللي إحنا فيها، أنا بحبك جدًا وحضرتك عارف غلاوتك عندي قد أيه مقدرش على زعلك ابداً ، مليش غيرك يا دكتور أنت أبونا كلنا”.
