تصريحات مثيرة للجدل للفنانة نجوى فؤاد.. سبب غريب وراء اعتزالها الرقص

كتب- ندى أشرف

تصدرت الفنانة نجوي فؤاد، ترند جوجل، وحديث جمهور السوشيال ميديا، بعد حلقتها برنامج شاي بالياسمين المعروض على شاشة النهار، وحديثها عن الأزمة الصحية التى مرت بها مؤخرا وكثير من الأسرار عن حياتها تعرض لأول مرة.

حوارها مع الشيخ الشعراوي

وأثارت تصريحات الفنانة نجوى فؤاد، الجدل خاصة بعد كشفها عن حوار دار بينها وبين الشيخ متولي الشعراوي حول الرقص، مبينة سبب اعتزالها، قائلة: “مرة سألت الشيخ الشعراوي، كنا في طائرة واحدة عائدين من الغردقة، وسألته هو الرقص حلال ولا حرام، قال لي لو حرام أو حلال، مكنش ربنا فتح لك السكة دي، ومكنش نجحك فيها، هو اللي قسم لك كدة، الحساب بقى عنده”.

سبب اعتزالها الرقص

وعن سبب اعتزالها الفن، قالت: ” أنا اعتزلت الرقص عشان حاجة بسيطة جدا، وأنا واقفة على المسرح بعرض قمر 14، كان بيقول لي الأساتوك دا، وانا معرفش يعني إيه الاساتوك دا، وقفت الموسيقيين وسألتهم إيه الاساتوك يا جماعة وقالوا لي غنوة شعبية، قولت هنقارن الأغنية الشعبية من موسيقار الأجيال بالأساتوك؟”.

وتابعت: ” رحت قافلة الستارة بايدي مع إنها الكترونية، وقعدت على الأرض وقلت خلاص، وخليت كل الفرقة تلم فساتيني، وكل ما يخصني، ومليت عربيتين صغيريت وروحت، ولن أعود أبدا للرقص بعدها”.