جوزي حنون على أهله .. سيدة تشتكي ومولاتي ترد
كتب- سارة منصور
كثيرًا ما يكو بر الأبن بأهله من منغصات الحياة على الزوجة، خاصة إذا تم إزالة كل الحدود في العلاقات وأصبحت الموالد واحدة والمشاكل واحدة .. كحال المشكلة الآتية.
تقول السيدة “ل.ن”: ” جوزي حنين علي اهله جداا مع ان له اخوات ولاد غيره مش بيعملو ربع ال هو بيعملو مع ابوه وامه، حاكم عليا افطر معاهم تحت ف رمضان كان رمضان اللي فات والسنين اللي فاتت امه كانت بتفطر لوحدها وابوه لاء بيفطر ف الجامع فقالي نفطر معاها بدل ما بتفطر لوحدها”.
وتضيف: ” رضيت بالامر الواقع وقلت امه وحرام وكده السنه دي ابوه بقي بيفطر معاها ومع ذلك قالي هنفطر تحت طول الشهر وانا بصراحة مش مرتاحة تحت لا في اكل ولا شرب ولا عمايل حاجة وكمان مفيش خصوصية خالص الباب بتاع شقة حماتي مفتوح علي وسعه بحس اني قاعدة ف الشارع وسلايفي عارفين بناكل ايه وبنشرب ايه وهما محدش بيعرف عنهم حاجة”.
وتختم: ” بحكم انها حماتهم وقاعدين عندها وانا كل شويه بفكر تفكير مش حلو وضميري بيأنبني لما يجيب لها اي حاجة سحور اي حاجة اني بضايق واقول ماهي ليها ولاد غيره محدش بيقولهم انتو فين، هو انا مكبرة الموضوع وليه حاسة بكده دايماا وبأنب نفسي دايما”.
نصيحة مولاتي
عزيزي كنت أقرأ مشكلتك وابتسامتي تتسع بسبب بر زوجك بأمه، وكيف فكر في مشاعرها واحتياجاتها في ظل تجاهل أخواته الأكبر هذا الأمر.
وسأرد عليكي بكلمات ستتذكريها فيما بعد، دعي العلاقات الطيبة تذهب بأي هموم ومشاكل تواجههك في الحياة ومع الأيام سترين أنهار البركة تجري في منزلك بأكثر مما تتمنين.
