جوزي طلب مني أغرب طلبين.. مشكلة من بريد مولاتي
كتب-سارة منصور
مشكلة من بريد مولاتي.. تقول “س. ي”:”انا متزوجة وعندى طفلين منهم طفل ذوى احتياجات خاصة تقريبا انا اللى شايلة كل حاجة، زوجى عاوز منى حاجتين، عاوزنى احمل وعاوزنى اوافق انه يجوز عليا”.
وتضيف: ” انا واهبه حياتى ليهم كل طلباتهم اوامر بالنسبالى اخر طفل عنده( ٥ سنين ) وانا مش معترضه على الحمل مع العلم هشيل الليلة كلها هشيل تعب الحمل والبيت والطفل المريض وقولت ربنا يعين عشان محدش جمبى انا فى محافظة بعيدة عن اهلى واهله ومحدش جمبى”.
وتستكمل “موضوع الجواز اساسى عنده انه دلوقتى او لاحقا هيجوز يعنى هيجوز (امر مفروغ منه) مع العلم انه هو مقصر فى حق بيته وعاوز يفتح بيت تانى ازاى مش عارفة
السؤال بقى اوافق على الحمل وجوازته واعيش وخلاص عشان العيال”.
وتختتم”لما سالته سبب الجوازة ايه قالى من غير سبب ممكن اكون انانى بحب نفسى او طماع بس انتى مفكيش غلطة”.
رد مولاتي
تقول الدكتورة شيماء مصطفي، استشاري الأمراض النفسية: عزيزتي، إن طاقة التقبل تختلف من شخص لاخر، فانتي وحدك أدرى بالظروف التي يمكنك تقبلها، إن كان فاعانك الاه، وان لم تتقبلي، فلا تقسي على نفسك، بعبء نفسي اخر.
