حرب السلايف.. سيدة تشتكي ومولاتي ترد

كتب-سارة منصور 

تعتبر حرب السلايف من أشهر الحروب التى تكافح فيها كل سيدة، اتجنبيها طوال حياتك الزيجية.

سيدة تشتكي 

السيدة ” م.ع” تشتكي، وتقول:” جماعة شورو عليا دلوقتى انا من القاهره وجوزى من محافظة تانيه فرق 3,ساعات ونص بس مغترب برة مصر ومتجوزبن ف القاهرة ودا.كان شرط بابا ولما جوزى بيسافر بروح لاهلى عشان محدش عايزنى اقعد لوحدى بطفلين رضع وكمان ماما بتساعدنى فيهم ومع حماتى ع طول ع الموب فيديو ولما جوزى بينزل بنقدى الإجازة جزء عندها وجزء بنخرج فيه وجزء هى عندنا حبيت بس أوضح الحياه ماشيه ازاى.

“حماتى جوزها متوفى وليها ابن تانى اصغر من جوزى عنده 29 معتبراه صغير فمكنتش بتحب تخليه يشتغل جت تعبت مبقتش بتقدر تتحرك كتير زى الاول وابنها أصر أنه يتجوز بحجه أنه هيشوف شغل ومراته هتبقى قاعدة مع أمه لغايت ما يرجع ودا كان كلام البنت برضو جوزى كان معترض لانه عارفه أنه مش بتاع مسؤوليه وحماتى من ناحيه ليها معاش جوزها مشاء الله كبير ومن ناحيه جوزى شايل الدوا والبنت اللى كانت بتيجى تخدمها ولو ف اى صيانه ف البيت اخو جوزى علشان يوافقو قعد بجيب سيرتى انا وجوزى ان بدل ما مراتو تيجى لامى اهو هجيب واحدة تبقى معاها زعلت أن انا مالى بيدخلنى ف حوار ليه بس متكلمتش وعمت جوزى هى اللى ردت عليهم حاليا أمه جوزته وقعدو معاها وهى اللى بتصرف عليهم ومشاكل الدنيا بقى كل يوم حد يكلم جوزى يشتكيله من التانى”.

“دلوقتي سلفتى وجوزها كل ما تكلم حماتى يقوللها مش كفايه انا اللى شيلاكى ومرات ابنك قاعدة مبسوطه مفيش مشكله تحصل غيييير ولازم تجيب سيرتى ويعلم ربنا لا شوفتها ولا اتكلمنا غير مرة كانت بتسال ع حاجه ومكملناش الساعه كمان وبس ومع ذلك اتكلمت عليا وع بيتى اللى والله ما دخلته اصلا ولا شافته لا وبتعدل ع طريقه جوزى معايا ومش عاجبها معمله جوزى ليا وكل دا من بس حكاوى اخو جوزى عننا هى لسه مقعدتش معانا”.

“دلوقتى انا فعلا زهقت من أسمى اللى لازم يتكرر ف اى مشكله وتقوله لكل الناس، ومش عارفه الصح ايه اكبر دماغى واسكت زى كل مرة ولا هتسؤ فيها اكتر ولا جوزى يتكلم وياخد موقف ولا هيبقى فيها مشكله حرفيا مش عارفه اعمل ايه؟”.

ويرد خبراء الصحة النفسية من مولاتي

سيدتي.. تجنبيها بقدر ما تستطيعين، فهذا النوع من النساء قادر على ايذائك النفسي بكل الأشكال، ولكن في حالة عدم المواجهة تكل وتسأم وحدها وتبحث عن جانب أخر تصب فيه طاقته الإيذائية، ونسأل الله لكي الراحة النفسية التي تريدها في حياتك.