“حماتى عاوزو تاخد ابنى تربيه”.. رحاب تصرخ من داخل محكمة الأسرة

كتب -أسماء سرور

“حماتى عاوزة تاخد ابنى الرضيع وتربيه وبتقولى هاتى غيرة لحد ما زهقت وطلبت الطلاق”، ياترى ما حكاية رحاب مع حماتها واخوات جوزها؟

طلب الجواز

بدأت: “رحاب.25سنة” كلامها أمام محكمة الاسرة وقالت” حماتى بتغير منى وعاوزة كل ما يجيب ليا حاجة يجيب ليها،أنا متجوزة من سنتين كرهت فيها حياتى كلها شوفت كيد النسا على حق من أمه واخواته البنات اللى مكنوش بيسيبوا فرصة إلا ويسخنوه ويتخانق معايا وهما طبعا يشمتوا ويفرحوا فيا،ققعدت بكبر دماغى وأقول أكيد مش هخرب على نفسى بعد ما اتجوز على طول،حملت وقولت أكيد هيسكتوا بالعكس زادوا لما عرفوا إنى حامل فى ولد لدرجة أن أخته مش بتخلف حطت زيت على السلم واتزحلقت بس الحمد لله محصلش لابنى حاجة وعدت على خير”.

التدخل

أكملت رحاب حكايتها وقالت: “ولدت ابنى وقعدت عند أمى قعدوا يسخنوه إنى لازم أرجع لدرجة جه عند أهلى اتخانق معايا والموضوع وصل أنه حلف بالطلاق أروح وقتها وأهلى عشان المشاكل روحت معاه ومعايا أمى،حماتى تسكت على كدة قعدت تقول لأمى انتى جاية ليه دى رحاب فوق راسنا وأنا عارفة أنها مش طيقانى،عدت الأيام وأمى روحت وكانت حماتى تطلع من بدرى تاخد ابنى وتقولى هيقعد معايا وتدياه صناعى وترفض إنى ارضعه لدرجة أن الواد رفض صدرى واتفطم غصب عنى،وإن شافت جوزى جايب حاجة ليا تزعل لو جبت هدوم عيد تنزل تجيب لبناتها نفس الطقم بقيت حاسة أن الحياة كل شوية بتبقى أصعب لحد ما قالت أنها هتاخد ابنى تربيه وانا اجيب عيل غيره وقفت ليهم وقولت كفاية كدة انا عاوزة اطلق قالت تمضى تنازل عن حقوقك وعن الواد وامشى زى ما انتى عاوزة،كلمت أهلى وخدت ابنى ورفعت عليهم طلاق للضرر.

وحكمت المحكمة بالطلاق طلقة بائنة وإلزام الزوج بكافة النفقات.