حماتي عاقة لزوجي ورافضة تصرف علينا.. مشكلة من بريد مولاتي

كتب-ندى الجبالي

في رسالة من بريد مولاتي، تتسائل فيها صاحبة المشكلة قائلة ” هل يحق للحما لما ابنها يكون عندها مشكلة مادية وقاعد من الشغل وتقله معلش هتفرج وتتصل بمرات الابن وتسمعها الكلام وتطلب منها تقول لجوزها انزل اشتغل”.

وتضيف: ” لما تسألني هو ليه قعد اقولها عشان المشرف قاله امسح وهانه مع العلم هو عنده ٤٢ سنه تقلي وايه يعني الناس كلها بتستحمل عشان اكل عيشها”.

من ناحية أخرى بتروح تقول لابنها مراتك بتشتكي وتقول ابنك مش بتاع شغل ومش عاوز تشتغل مع اني قولتلها بينزل يعمل مقابلات والعقبه في سنه الناس اقصي سن محتاجينه ٣٧ سنة”.

وتستكمل”: هو ينفع تقولي انا هعمل ايه تاني انا ببعت رز ومكرونه وبيض وجبنه قريش يعني هأكلكم وله اسد الديون اللي عليكم، مع العلم ربنا يزدها معاها فلوس في البنك وبتاخد معاش جوزها اكتر من ٦ الالف وبتدي منهم جوزي كل شهر ١٥٠٠جنيه وبتقلي امشي علي قدك “.

رد مولاتي

اكثر الله من أمثال حماتك وجعل مساندتها لكم في ميزان حسناتها.. وأسمحي لي أن أكمل بالعامية..

اعتقد ان الحما مجوزتش ابنها عشان تصرف عليه وهي مش ملزمه وكتر الف خيرها انها بتبعت لقمه لعيالك، واللي ملزم جوزك حتى لو هينزل يلم زباله من الشارع اكل العيش عمره مكان عيب واكل العيش ياما بيحصل فيه.

العيب عليكي انك محسسه نفسك ان الست ملزمه ده تتشكر مش تشتكي منها يعني بتسد ديون وبتبعت اكل وبتديكو ١٥٠٠ جنيه.. احنا ليه طماعين ومش بنشكر ولما حد بيدينا بنبقي عاوزين الاكتر.

ربنا يزيد ويبارك اللي عندها في البنك متركزيش فرزق حد وفلوس حد عشان متتعبيش