حمل مرأة أخويا المزيف وسبب لا يصدق… مشكلة من بريد مولاتي

كتب- ندى الجبالي

ففي مشكلة من بريد مولاتي، تقول” س. ي “اخويا عنده 24 سنه ومتجوز بقاله 6 شهور ف خلال ال 6 شهور دول مراته كذبت عليه وع امي ف حاجات كتير كانو بيعدو وبيقولو لسه صغيرة، وبكره تكبر وربنا يكرمها بطفل وتعقل وكده، راحت هي ومامتها عند دكتور وقالت حامل ووصلت لحد الشهر التالت وبطنها كانت كبيره وقالت انها حامل ف توام”.

وتضيف:” أهلي كانوا بتعاملوا معاها ع أساس كده وكانت نايمه ف شقتها وامي ست كبيره كانت بتخدمها وتجبلها الاكل وكل شويا تطلب حاجه ع أساس الوحم وعلطول تعبانه ف اخويا شافها بتلف طرحه ع بطنها سألها ليه قالتله علشان أسند ضهري ف اخويا استغرب لانه ولا هو ولا امي راحو معاها قبل كده عند دكتور ف طلب م امي تروح معاها وتطمن”.

وتختتم:” هي ماكنتش عايزه تروح مع امي واخويا حلف عليها المهم مطلعتش حامل وطلعت بتضحك علينا وهي دلوقتي غضبانه عند بيت اهلها وهو عايز يطلق وهم مش عايزين ولو طلق عايزين القايمه بتاعها وهو متجوزها عرفي علشان سنها لسه 17 سنة “.

رد مولاتي

فسرحوهن بإحسان.. بمعنى أنه إذا عزم أخيك على الطلاق ولا رجعة في قراره فعليه دفع مستحقاتها بالكامل فهي زوجته التي اختارها وعاشرها حتى وان أخطأت وكذبت .