“خطيبى قالى أنتى زى الجاموسة واهلى رفضو فسخ الخطوبة”.. فتاة تشتكي

كتب -أسماء سرور

أرسلت الفتاة ث.م إلى مولاتى مشكلتها وقالت أنا فتاة عمري 20 سنة وخطيبى 26 مخطوبة تقليدى والحياة بينا ماشية كويس مشكلتى إن جسمى مليان شوية.

وأضافت الفتاة كنت كويسة مع خطيبى وبحترمه لحد ما مرة كنت طالعة السلم وبكلمه وكنت تعبت من السلم لأننا ساكنين فى الرابع لاقيته بيقولى “مالك بتنهجى كده ليه قولتله طلعت السلم راح قالى ما أنتى عاملة زى الجاموسة لو تخسى شوية مش هتنهجى كده”اتصدمت من كلامه لدرجة عدم الرد وقفلت التليفون .

فسخ الخطوبة

وأكملت الفتاة أنها طلبت من أهلها فسخ الخطوبة قالوا “متكبريش الموضوع أكيد ميقصدش وبعدين أنتى فعلا تخينة” وهو جه عندنا وقال أنه كان بيهزر وعادى مش المفروض أصلا إنى ازعل منه .كلهم ضدى وأنا خلاص قفلت منه ومش عوزاه أعمل إيه ؟

ردت الإستشارية النفسية شيماء مصطفى وقالت تقوم العلاقات على الإحترام والتفاهم بين الشريكين ولكن فى هذه العلاقة فقدتى أهم ركن وهو الإحترام .

فقد الثقة

وأضافت مصطفى هذا الشخص لن يمنحك ثقة فى نفسك أبدا بل سيهدمها دائما وللأسف الشديد ارى الموقف السلبى من أهلك وتنمرهم عليك زاد من الموقف سوءاً.

التغيير

وأستكملت مصطفى أبدأى بنظام غذائى ومارسى الرياضة بإنتظام وخففى من وزنك لا من أجل أحد ولكن من أجلك أنت قومى بهذا التغير حتى لا يكون لهذا الكلام وقع فى نفسيتك ابدا ،لأن لكل أنثى جمالها الخاص .