خطيبي مهتم بأختي بشكل مريب..سيدة تستغيث ومولاتي ترد

كتب-سارة منصور

بعد حيرة ساعات وأيام، أرسلت لنا سيدة متابعة لمولاتي مشكلتها ، عسى أن تجد من يهديها إلى طريق الصواب.

تحكي روميساء وتقول:” والدي ووالدتي متوفيين، وعندي 21 سنة وعندي أخت واحدة أكبر مني، كانت مخطوبة ومحصلش نصيب سنه، بيحصل حاجة غريبة مش لاقية ليها تفسير” .

مكالمة محيرة

وتضيف: ” أنا خطيبي كل شويه يقولي اختك عامله ايه نبقا بنتكلم ويقولي ادهاني كده اتكلم معاها يقعد نص ساعه يتكلم معاها ويفتح مواضيع ممكن يقعد ساعه يتكلم ويقولي اصل بهون عليها عشان يعني سابت خطيبها”.

وتستكمل “يسالني في المكالمه خمس مرات اختك بتعمل ايه اقوله قاعده قاعده بتعمل ايه اقوله معرفش انا قاعده في الأوضه انتوا أكبر مني هل ده طبيعي انا بقيت استغرب وكل مكالمه لازم يسالني ولازم يكلمها”.

ضيقة وعذاب

وتختتم ” انا بحبه بس انا لضايق من كده وخايفه يكون اختي بتتضايق هي كمان من الرغي بتاعه ومش عايزه تقولي انتوا شايفين ده طبيعي ولا انا مكبره الموضوع”.

نصيحة مولاتي

لستي مخطئة ابدًا.. فالأمر كله غريب، ولا يجوز أن يكون أن تفتحي مساحة لخطيبك لمعرفة كل ما يخص أختك، والحل في إحراج وأيصال فكرة أن أختك ترفض التواصل معه إلا في حدود.

ونصيحة مولاتي هي أن تعيدي التفكير في أمر الارتباط كله من هذا الشخص!! ونسأل الله أن يسدد خطاك.