زوجة تخلع زوجها..كلمة السر “محلل”

كتب -أسماء سرور

رفعت السيدة” نهى .م” 30 سنة دعوى خلع على زوجها بسبب اكتشافها عمل زوجها الذى طالما أخفاه عنها.

وقفت نهى أمام محكمة الأسرة، وقالت:” أنا متزوجة من 6 سنوات وكنت بحب جوزى جدا وهو شخص محترم وبيعاملنى كويس وشايل أهلى فوق رأسه ومش بيأخر لحد فيهم طلب” .

وأضافت نهى:” طول الوقت بيجيب ليا هدايا وبنسافر فى أفخم الفنادق وكتت بسأله أزاى شغلك يسمحلك بالأجازات دى كان يرد يقول ما أنا بعوضهم إنى ببات فى الشغل خاصة أنه كان مفهمنى أنه مقاول كبير ،كنت بسكت وبقول المهم أننا مبسوطين وحياتنا مرتاحة” .

وأكملت نهى:” الصدمة الكبيرة لما أكتشفت شغله عن طريق الصدفة لما كنت بعمل قيد عائلى متجوز 14 مرة لما دورت وراه عرفت أنه شغال محلل مع مأذون يعرفه وأنه كان بياخد مبالغ كبيرة جدا عشان يتجوز السيدات دى ويطلقهم للرجوع لأزواجهم ،طبعا اتجننت وطلبت الطلاق رفض لجأت للخلع” .

حكمت المحكمة بالخلع والكلاق طلقة بائنة.