زوجة تخلع على زوجها بسبب “حماتها خطفت ولادها”
كتب -أسماء سرور
رفعت السيدة فاطمة .م 35سنة على زوجها دعوى خلع بسبب أنه حدث خلاف بينهم خطف الأولاد وسلمهم لحماتها اللى خدتهم ونزلتهم محافظة تانية .
وقفت السيدة فاطمة أمام المحكمة وقالت أنا متزوجة من 13 سنة وعندى 3 ولدين وبنت من ساعة ما إتجوزت وهو بيعاملنى معاملة قاسية وأمه دايما تقوله “أكسرها أوعى تخليها تشوف نفسها عليك “بسبب أنا تعليم عالى وهو متوسط ودة للأسف ظهر بعد تانى أسبوع جواز لما لاقيت حماتى طلعت وقعدت فى شقتى وقالت أنها مش هتنزل شقتها تانى مع أنها فى نفس البيت .
وأضافت فاطمة أنا بشتغل مدرسة كنت برجع من الشغل ألاقى ضيوف وقرايب جوزى فى شقتى ولما كنت بسالها ليه مقلتش من قبلها كنت جهزت الشقة تقول “مش هستأذن حد فى بيتى ” غضبت أكتر من مرة وفى الأخر كنت برجع عشان والدى متوفى وأمى ست فى حالها.
وأستكملت فاطمة حصل خلاف كبير بينى وبين جوزى حماتى أدخلت فيه وطبعا أنا رفضت تدخلها وقولت هاخد عيالى وهطلق ساعتها هيا قالتلى أهدى والصبح أمشى على أهلك وهنعملك كل اللى أنتى عوزاه طبعا استغربت بس بالفعل دخلت نمت صحيت ملقتش حماتى ولا العيال.
التنازل
واستطردت فاطمة أمام المحكمة وقالت طبعا ثورت واتجننت وجالى إنهيار قالوا أمضى تنازل عن كل حاجة وامشى من غير طلاق عشان متجوزش تانى وافقت ومضيت تنازل بالفعل وخدت عيالى ورفعت عليه خلع .
حكمت المحكمة بقبول دعوى الخلع والطلاق طلقة بائنة .
