زوجة ترفع خلع على زوجها بسبب “وسامته”

كتب -أسماء سرور

رفعت السيدة “أية.م “26 سنة على زوجها دعوى خلع بسبب وسامته التى يستغلها فى اللعب بمشاعر الفتيات.

وقفت أية أمام محكمة الأسرة تبكى وقالت:” أنا كنت لحب جوزى قبل الجواز والخطوبة وكنت بتمنى أنه يحبنى ويتجوزنى ويوم ما طلب ايدى اغمى عليا من الفرحة ومكنتش مصدقة لأنه وسيم جدا وكان شغال معايا فى نفس الشركة وللأسف معرفش إنى بختار تعاستى بإيدى”.

وأضافت أية :”اتجوزنا من سنتين وربنا كرمنى بولد زى القمر ومن ساعتها وهو بيعايرنى بجسمى اللى باظ من الحمل ودايما يقول “أنا قرفان ابص ليكى” كنت بكبر دماغى واقول لما افطم ههتم بنفسى تانى لحد ما اكتشفت خيانته ليا مع أكتر من واحدة بسبب وسامته الزيادة شبه أحمد عز البنات حواليه كتير وهو مكنش بيصد حد بالعكس كان بيدخل فى علاقات وحوارات كتير واكتشفت كل دة على أكونت تانى هو عاملة ولما عملت أكونت فيك وكلمته طلع بيتكلم عنى وحش جدا وأد إيه أنا بشعه وهو مظلوم معايا ،حسيت أن كرامتى أتهانت وقررت أغضب وطلبت الطلاق قال انى اتنازل عن كل مستحقاتى وهو عاوز يخلص النهارده قبل بكرة لجأت للخبع بسبب إستحالة العشرة بينا”.

قبلت المحكمة الدعوى ولم تصدر حكمها حتى الآن.