زوجة تطلب الخلع.. كلمة السر “أمها”

كتب -أسماء سرور

رفعت السيدة ؛”شهد. م” 28 سنة دعوى خلع على زوجها بسبب منع أمها من دخول منزله.

وقفت شهد أمام محكمة الأسرة وقالت:” أنا متزوجة من سنتين وأنا البنت الوحيدة لأمى ووالدى متوفى وافقت على جوزى بسبب أنه وافق أن أمى تعيش معانا فترات ومش هيكون على طول وقال دى أمى وفعلا ماما كانت طيبة جدا معانا ومش بتبخل عليا فى أى حاجة وكمان ساعدت جوزى فى الجهاز والدنيا كانت حلوة جدا وامى كانت بتيجى وتقعد معانا وهو اللى كان بيتحايل عليها تقعد وقت أكتر”.

وأضافت شهد الحياة كانت كويسة لحد ما حملت وولدت ابنى ساعتها حماتى وبناتها حضروا السبوع اللى أمى كانت مكلفة كل حاجة فيه وقعدوا يتنمروا على الحاجة ويعيبوا فيها ساعتها أنا رديت عليهم أن كتر خيرها الدنيا بعدها قامت وأمه حكمت عليه أمى تمشى من البيت ومتدخلش تانى أو هى هتغضب عليه ومش هتعرفه ،لاقيته بيقول لأمى أنا أسف ياحجة لازم أسمع كلام أمى ،وفعلا امى مشيت زعلانة وأنا كمان مشيت معاها وضغطها على واتحجزت فى المستشفى وهو مفكرش يجى حتى يزورها ،ساعتها اتأكدت من إستحالة العشرة بينا وقررت رفع خلع “.

قبلت المحكمة الدعوى ولم تصدر حكمها حتى الآن.