زوجة تطلب الخلع..كلمة السر “اخت جوزها”

كتب -أسماء سرور

رفعت السيدة” ملك. ك ” 28 سنة دعوى عوى خلع على زوجها بسبب اخته التى تتهمنى فى شرفى .

وقفت ملك أمام محكمة الأسرة، وقالت:” أخت جوزى كانت صاحبة عمرى وهيا اللى رشحتنى لأخوها وأقنعتنى بيه وقعدت تقولى فى المميزات اللى عندهم أنهم عيلة ميسورة وفى حالهم ومحدش ليه دعوة بحد وكنت فى فترة الخطوبة بزورهم وبقضى اليوم لحد ما خطيبى يرجع وأروح بيتنا وهيا كانت بتوصلنى مع اخوها”.

وأضافت:” تم الزواج من 4سنين ربنا رزقنى بولد بعد الجواز على طول والكل بيحبه وأخت جوزى اتجوزت بعدى على طول ومحصلش نصيب واتطلقت من سنتين ،من ساعة ما رجعت البيت تانى وهيا اتغيرت واتبدلت شخص تانى ،كرهتنى وكرهت أبنى وقلبت امها واخواتها عليا بعد ما كنا بنروح مصيف مع بعض وبقضى اليوم كله معاهم بقيت قاعدة فى شقتى طول اليوم مجبوسة وبعيط لوحدى” .

واستكملت:” كنت بحاول ارجع تانى أقرب منها وخدتها وخرجنا مع جوزى وكنت بهزر معاها بقولها ابنى شبهى ولا شبه جوزى قالت “لا شبهك ولا شهبنا معرفش جه منين قولتلها أزاى تقولى كدة قالت ما انتى كنتى بتيجى بيتنا قبل الجواز والله أعلم حصل ايه مع أخويا طبعا اتصدمت من كلامها كنت مستنية جوزى يرد مردش طلبت منه أنه يتكلم قال سيبيها تقول اللى هيا عوزاه ،طلبت الطلاق ردت هيا عليا وقالت مستحيل تطلقى وتاخدى حاجة أخويا ،رفعت خلع بسبب إستحالة العشرة مرة أخرى”.

وقبلت المحكمة الدعوى ولم تصدر حكمها حتى الآن.