زوجة خلعت زوجها بسبب “شبشب بصباع”

كتب -أسماء سرور

رفعت السيدة “منى .أ “28 سنة دعوى خلع على زوجها بسبب غيرته الشديدة عليها التى كادت أن تتسبب فى موتها .

وقفت منى أمام محكمة الأسرة، وقالت أ:”نا تزوجت منذ أربع سنوات مروا عليا كأنهم عشرين سنة من كتر التحكمات والعصبية اللى شوفتها من أيام الخطوبة من قبل الجواز حتى وهو كان غيور وعصبى” .

وأضافت :”حصلت مشكلة بينا أيام الخطوبة بسبب ظهور جزء من شعرى وثار واتجنن وساعتها أهانى بألفاظ كتير وفسخت الخطوبة ولكن أهلى عدو الموضوع لأنهم شافوا أنه راجل شرقى غيور عليا واللى حصل دة كان بسبب الغيرة “.

وأكملت:” أتجوزنا وتانى يوم الفرح يقول لو عاوزة ترضينى ألبسى النقاب زعلت أنه بدأ تحكمات من أول يوم وبلغت أهلى فى الصباحية قالوا حقه وأنتى مراته وفى بيته ،ساعتها أضطريت ألبس النقاب و افقت على كل تحكماته عشان لسه عروسة مش هينفع أمشى ،طبعا ممنوع أتعرف على حد من الجيران حتى الستات كان غيور غيرة مجنونة” .

واستطردت منى وقالت:” كنت بسكت وبعدى لحد ما فى يوم نزلت أشترى خضار هو مانعنى انزل حتى وأنا قولت دة تحت البيت نزلت لابسة “شبشب بصباع” هو شافنى وأتجنن شدنى من هدومى وطلعت السلم طله ضرب وشتيمة وإهانة بأبشع الألفاظ وكلام تستحى الأذن أن تسمعه بسبب أن رجلى باينة من الشبشب ،كلمت أهلى وقولتلهم إنى متجوزة مجنون مش بنى أدم ومشيت بأطفالى الصغيرين ورفعت خلع” .

حكمت المحكمة بالخلع والطلاق طلقة بائنة.