زوجي متسلط بشكل غير عادي.. سيدة تشتكي
كتب- سارة منصور
جرت العادة أن يكون بيت العائلة هو أكبر مصدر لأذى نفسي للزوجة، وعليها التحمل وإلا كانت لا تعرف عن الأصول شيئًا، وهو الأمر الذي خرب ودمر العديد من العلاقات برقم متزايد كل عام عن سابقه.
تروي السيدة وتقول:”ي.س”: ” انا لسه متجوزه من شهر ونص جوزي وحيد ابوه وامه ملهوش اي اخوات من ساعه اما اتجوزت وحماتي حطاني ف دماغها ومش عاجبها اي حاجه بعملها وتتهمني بالكذب وابنها بيصدقها يعني جوزي “ودني” درجة اولي المهم متحكم فيا ف الصحيان والنوم ف رمضان اصحي من 8الصبح ويظبط منبهاته غير المنبه بتاعي عشان انزل لحماتي ومفيش اصلا حاجه تتعمل بس انزل وخلاص مع ان بنبقى نايمين الساعه 5الفجر”.
وتضيف: “لو طلعت عشان أريح ساعه بعد العصر يفضل يرن عليا وهو ف الشغل يقولي هتنامي لحد امتا قومي انزلي ولو مش رديت عليه يرن ع امه يسألها نزلت ولا لسه حتي طلوع شقتي متطلعيش ولو طلعت قعدت أد ايه فوق وعايزني ابقي قاعده تحت لحد الساعه 1 بالليل مش معايا حاجه بس ابقي قاعده وخلاص”.
ووتتابع؛ “دايما ييجي عليا ومغلطني علطول ومبيصدقش حد غير أمه وأبوه وانا مطلعين فيا القطط الفطسانه وأمه مش عايزاني معاها اصلا وكل شويه متنزلوش خليكم ف شقتكم مع نفسكم مش عايزة حد وهو يقولها مستحيل نعزل وغير كده مش مديني مصاريف حتي ويتصل ع أهلي بنتكم فيها وفيها وكل شويه تعالوا خدو بنتكم انا دلوقتي ف بيت أهلي وهو مستني اني انا ارجع من نفسي من غير حتي ما ييجي ياخدني نفسه عزيزه اوووووي ولئيم وخبيث فوق ما حد يتصور والله عمره ما نصفني حسبي الله ونعم الوكيل”.
رد مولاتي
للأسف مشكلتك تكمن في المنظومة بكاملها، فذلك هو حال بيت العيلة وحال مشاكله المعروفة والمتكررة، ولكن لنا في التجارب خبرة وعظة.
فالعديد من النساء التي وجدت نفسها في تلك الحالة كان الصبر هو مفتاح حل الأزمة، وأن تجدي طريقة لكسب قلب وعقل زوجك سيكون المفتاح لحل مئات المشاكل التي تقابلك من هذا النوع.
