“سلفتي ممررة حياتي”.. مشكلة من بريد مولاتي
كتب- ندى الجبالي
تعددت المشكلات التي تواجه النساء في حياتها اليومية، والتي كان أبرزها بالطبع مشكلات السلايف، بما فبها من غيرة وغل يؤثر على الحياة بوجه عام.
ففي مشكلة من بريد مولاتي، تقول” ا. س”:يا بنات انا ليه سلفه سنها خمسين سنة وتصرفاتها غريبه انا بصراحه مش عارفه احدد ده اي مثل كانت بتصور مع جوزي ف فرح اخته وانا طالعه من مكان السيشن انا وجوزي وهي ما ماكنتش شايفني لقتها بتقول لحماتي ده هتبيض بيضة، مالها ملهوفه كده ع ابنك راحت اول ما شافنتي عملتها بهزار فا انا بقولها اصل بعيش سني انا 23سنه تقولي كل ده ومش عايشه”.
وتضيف:” موقف تاني اخو زوجي لسه مجوز كل شويه تقول لسلفتي ده بخيله مع أن والله كل شويه بعزمهم هي وحماتي واخوات جوزي عطول كل ما تشوفني قدام سلفتي الجديده ده تقولها اصل انا ما شوفت عروسه احلى منك وتفضل تلقح عليه اني وحشة وكذ مره اخت جوزي تقولي ده بتفضل تعيب عليكي بعد ما تمشي”.
وتضيف:” مش المفروض فرق السن ما بينا كبير أوي متعملش عقلها وعاوزه اقول حاجه تاني أن هي والله العظيم مش بتشوفني اعمل حاجه غير لم تجيب زيها لو جبت طقم لابني تروح تجيب زي لي ابنها لو لقتني حطه روج تقوم تحط يعني معاها ولد سنه سابع سنين ومعهاش تاني كذا مره اقولها ما تجيبله سرير اطفال تقولي اصل بينام معايا اول ما جيبت تاني يوم والله راحت جابت سرير اطفال شبهه طيب ده وديمًا بتحول تقلل مني قدم اهل زوجي.. أعمل معاها أيه”.
رد مولاتي
تجاهليها، لا تدعيها تأخذ في حياتك وتفكيرك أكثر من الحيز الذي تستحقه، فربما يكون الأمر هواية لها، فلماذا تتنازلين لها عن كل ذلك الوقت في حياتك، استمتعي بحياتك واعبري على التفاهات ومارسي هواية جميلة.
