سمية درويش: تشبيهي بشيرين عبد الوهاب ضرني.. وطموحي أعلى من التقليد (فيديو)

كتب : أحمد سامي 

كشفت الفنانة سمية درويش عن رأيها في تشبيهها بالفنانة شيرين عبد الوهاب، مؤكدة أنها لم ترَ الأمر سلبيًا في البداية، خاصة أنها كانت تستمع لشيرين منذ طفولتها، لكن التشبيه أثر عليها بشكل سلبي في الوسط الفني.

وقالت سمية: “مش حاجة وحشة أنهم يشبهوني بحد زي شيرين عبد الوهاب، أنا بسمعها من وأنا صغيرة، لكن التشبيه ضرني لأن حصلت مقارنات بيني وبينها من الشعراء والملحنين والمنتجين، مع أن كتير من اللي بيفهموا في الموسيقى لاحظوا فرق الصوت بيننا.”

وأضافت: “أنا فكرت أغني معاها عشان نثبت أننا مش شبه بعض، لكن اللي كان بيجنني أنهم بيقولوا إني بقلدها، مع احترامي لكل الفنانات، أنا أصلاً مبسمعش عربي غير القديم زي أم كلثوم ووردة، أقلدها ليه؟ لو فكرت أقلد هقلد بيونسيه وشاكيرا وأديل، طموحي أعلى، لأن شيرين موجودة، وأنا عايزة أقدم حاجة مختلفة.”

كما روت سمية موقفًا قديمًا جمعها بشيرين، قائلة: “من 18 سنة كنت بغني في مركب 3 أو 4 أيام في الأسبوع، وكل خميس كان ييجي فنان كبير يقدم حفلة، وكان يوم الأربعاء صورتي بتكون محطوطة لأن عندي حفلة، لكن لما شيرين عبد الوهاب كان عندها حفلة يوم الخميس، شافت صورتي وطلبت إزالتها وإلا مش هتغني، وفعلاً شالوها، ومعرفش ليه عملت كده.”

شاهد الفيديو..