سيدة تخلع زوجها بسبب”العقاقير الممنوعة”

كتب -أسماء سرور

رفعت السيدة :”حبيبة .م “25 سنة على زوجها دعوى خلع بسبب تجارة العقاقير الطبية المسكنة “أدوية الجدول”

وقفت حبيبة أمام محكمة الأسرة وقالت:” أنا متزوجة من سنة ونص جوزى راجل ميسور الحال من محافظة تانية كان ابن صاحب بابا وكان الكل بيشهد بأخلاقه وأدبه وجه اتقدم وطول فترة الخطوبة كان شخص خلوق ومؤدب” .

وأضافت:” بعد الجواز كنت بلاحظ ناس كل شوية تنادى عليه وينزل ليهم ولما أساله مين يقول ناس معرفة عاوزين علاج معين بيدوروا عليه وهو بحكم شغله فى شركة أدوية كان بيقدر يوفر العلاج ،كنت بصدق كلامه لحد ما كنت بنضف تحت السرير لاقيت شنطة فيها علاج تحت السرير خدتها ومتكلمتش لحد ما رجع من الشغل قعد يدور ويسألنى وأنا أقوله وفيها ايه يقول ملكيش دعوة أنا عاوزها ،اتنرفز عليا وأنا قولتله أنا عاوزة أفهم أنت شغال فى الادوية دى ليه كان رده ملكيش دعوة ،لما رفضت أديله الشنطة وطلبت منه يبطل عشان خاطر أبننا رفض ومد إيده عليا ،غضبت عند أهلى ولما جه يصالحنى مع أبوة شرط عليه يبطل شغل فى الحاجات دى رفض ورفض الطلاق ،لجأت للخلع”.

وحكمت المحكمة بالخلع والطلاق طلقة بائنة.