سيدة تخلع زوجها بسبب “الزواج العرفي”

كتب -أسماء سرور

رفعت السيدة “ميار .م” 31 سنة دعوى خلع بسبب زواجه عليها اكثر من مرة عرفى .

وقفت ميار أمام محكمة الأسرة وقالت:” أنا متجوزة من 6 سنين وعندى بنتين وكنت بحب جوزى جدا وبدأنا حياتنا من تحت الصفر وقفت جنبه للأخر وعملنا مشروع وكبرنا سوا وبقى معاه بدل العربية اتنين وكل دة بمساعدة عمى اللى وقف جنبه فى كل خطوة عملها “.

وأضافت ميار:” كان رد الجميل إنى أكتشف أن جوزى بيستغل البنات اللى شغالين معانا وبيتجوز عرفى وكل دة وأنا مش حاسة بأى حاجة لحد ما واحدة منهم جت قالتلى أن جوزى بيحاول يغريها بالفلوس عشان يتجوزها عرفى ،ساعتها الشك دخل قلبى وبدأت أدور وراه وعرفت أخويا وفعلا اكتشفت جوزاه مرتين عليا ،ساعتها أتصدمت وواجهته للأسف قال أيوة حصل وبيبرر كمان أنه كدة مش بيعمل حاجة غلط ولا حرام  وأن طالما البيت مش محتاج حاجة يبقى هو مش مقصر ،خدت قرار وقتها إنى أرفع خلع عليه لأن مش هقدر أعيش معاه تانى مهما حصل” .

وقبلت المحكمة الدعوى ولم تصدر حكمها حتى الآن.